ଆସନ୍ତାକାଲି ଭାରତ-ନ୍ୟୁଜିଲାଣ୍ଡ ପ୍ରଥମ ଦିନିକିଆ : ୬ମାସ ପରେ ଦିନିକିଆରେ ପୁଣିଥରେ ମୁହାଁମୁହିଁ ହେବେ ଉଭୟ ଦଳ

ସେଡ଼ନ ପାର୍କ : ଆସନ୍ତାକାଲି(ବୁଧବାର) ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନ୍ୟୁଜିଲାଣ୍ଡର ସେଡ଼ନ ପାର୍କ ଠାରେ ତିନିଟିକିଆ ଦିନିକିଆ ସିରିଜର ପ୍ରଥମ ମ୍ୟାଚ ଖେଳାଯିବ। ପ୍ରାୟ ୬ମାସ ପରେ ଦିନିକିଆରେ ପୁଣିଥରେ ଉଭୟ ଦଳ ମୁହାଁମୁହିଁ ହେବେ। ଶେଷ ଥର ପାଇଁ ଗତ ବର୍ଷ ଜୁଲାଇରେ ବିଶ୍ବକପ ସେମିଫାଇନାଲରେ ଉଭୟ ଦଳ ମୁହାଁମୁହିଁ ହୋଇଥିଲେ। ଯେଉଁଥିରେ ନ୍ୟୁଜିଲାଣ୍ଡ ଦଳ ବିଜୟୀ ହୋଇଥିଲା। ମାତ୍ର ଟ୍ବେଣ୍ଟି-୨୦ ସିରିଜରେ ଘରୋଇ ଦଳକୁ ୫-୦ରେ ହରାଇବା ପରେ ଭାରତୀୟ ଟିମର ମନବଳ ଦୃଢ ରହିଛି।
ଏହି ମ୍ୟାଚ ଆସନ୍ତାକାଲି(ବୁଧବାର) ହାମିଲଟନର ସେଡେନ ପାର୍କ କ୍ରିକେଟ ଷ୍ଟାଡିୟମରେ ଖେଳାଯିବ। ଷ୍ଟାର ସ୍ପୋଷ୍ଟ୍ସ ଚ୍ୟାନେଲରେ ଏହାର ସିଧା ପ୍ରସାରଣ ଦେଖିପାରିବେ।
ଭାରତୀୟ ଦଳ
ମୟଙ୍କ ଅଗ୍ରୱାଲ, ପୃଥ୍ବୀ ଶ, ବିରାଟ କୋହଲି(ଅଧିନାୟକ), ଶ୍ରେୟସ ଆୟର, କେଏଲ ରାହୁଲ(ୱିକେଟ କିପର), ମନିଷ ପାଣ୍ଡେ, ରିଷଭ ପନ୍ତ, ଶିବମ ଦୁବେ, ରବିନ୍ଦ୍ର ଜାଡେଜା, କୂଳଦୀପ ଯାଦବ, ୟୁଜବେନ୍ଦ୍ର ଚହଲ, ମହମ୍ମଦ ସାମି, ଜଶପ୍ରୀତ ବୁମ୍ରା, ନବଦୀପ ସାଇନୀ, କେଦାର ଯାଦବ, ଶାର୍ଦ୍ଦୁଲ ଠାକୁର।
ନ୍ୟୁଜିଲାଣ୍ଡ ଦଳ
ଟମ୍ ଲାଥମ(ୱିକେଟ କିପର ଏବଂ ଅଧିନାୟକ), ମାର୍କ ଚ୍ୟାପମ୍ରାନ, ରସ ଟେଲର, ହାମିସ ବେନେଟ, ଟମ ବ୍ଲଣ୍ଡେଲ, କୋଲିନ ଡି ଗ୍ରେଡହୋମ, ମାର୍ଟିନ ଗପଟିଲ, ଫାଇଲ ଜେମିଶନ୍, ସ୍କଟ କଗିଲେନ, ଜିମି ନିଶାମ, ହେନରି ନିକୋଲ୍ସ, ମିଶେଲ ସେଣ୍ଟନର, ଇଶ ସୋଢି(ପ୍ରଥମ ଦିନିକିଆ ପାଇଁ), ଟିମ୍ ସାଉଦି ଏବଂ କେନ ୱିଲିୟମସନ୍।