ମହିଳା ଟି-୨୦ ବିଶ୍ବକପ : ବାଲାଂ ବିପକ୍ଷରେ ଭାରତର ଦମଦାର ବିଜୟ

ପର୍ଥ : ଅଷ୍ଟ୍ରେଲିଆରେ ଖେଳାଯାଉଥିବା ଆଇସିସି ମହିଳା ଟି-୨୦ ବିଶ୍ବକପରେ ବାଲାଂଦେଶ ବିପକ୍ଷରେ ଦମଦାର ବିଜୟ ହାସଲ କରିଛି ଟିମ୍ ଇଣ୍ଡିଆ। ବାଲାଂଦେଶକୁ ୧୮ ରନରେ ହରାଇ ଭାରତ ଚଳିତ ବିଶ୍ବକପରେ ତାର ଦ୍ବିତୀୟ ମ୍ୟାଚରେ ବିଜୟ ସହ ପଏଣ୍ଟ ଟେବୁଲର ଶିର୍ଷରେ ରହିଛି। ସୋମବାର ଖେଳାଯାଉଥିବା ମ୍ୟାଚରେ ଟସ୍ ଜିତି ବାଲାଂଦେଶ ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ପ୍ରଥମେ ବ୍ୟାଟିଂ କରୁଥିବା ଭାରତ ୨୦ ଓଭରରେ ୬ ୱିକେଟ ହରାଇ ୧୪୨ ରନ ସଂଗ୍ରହ କରିଥିଲା। ଭାରତ ପକ୍ଷରୁ ସେଫାଳି ବର୍ମା ୩୯ ରନ କରିଥିବା ବେଳେ ଜେମିମା ରୋଡ୍ରିଗ୍ସ ୩୪ ରନ କରିଥିଲେ। ସଫାଳି ବର୍ମାଙ୍କ ଦମଦାର ୩୯ ରନ ପାଇଁ ତାଙ୍କୁ ପ୍ଲୋଆର ଅଫ ଦ ମ୍ୟାଚରେ ସମ୍ମାନୀତ କରାଯାଇଛି। ଭାରତର ୧୪୩ ରନ ବିଜୟ ଲକ୍ଷ୍ୟକୁ ହାସଲ କରିବା ପାଇଁ ପଡିଆକୁ ଓହ୍ଲାଇଥିବା ବାଲାଂଦେଶ ୨୦ ଓଭର ଖେଳି ୮ ୱିକେଟ ବିନିମୟରେ ୧୨୪ ରନ ସଂଗ୍ରହ କରିବାରେ ସକ୍ଷମ ହୋଇଥିଲା। ବାଲାଂଦେଶ ପକ୍ଷରୁ ୱିକେଟ କିପର ନିଗର ସୁଲତାନ ସର୍ବାଧିକ ୩୫ ରନ କରିଥିବା ବେଳେ ମୁରସିଦର ଖାତୁନ ୩୦ ରନ କରିଛନ୍ତି। ଭାରତ ପକ୍ଷରୁ ସଫଳ ବୋଲର ଭାବେ ପୁନମ ଯାଦବ ୪ ଓଭରରେ ୧୮ ରନ ଦେଇ ୩ଟି ୱିକେଟ ହାସଲ କରିଥିଲେ। ଅନ୍ୟମାନଙ୍କ ମଧ୍ୟରେ ଶିକ୍ଷା ପାଣ୍ତେ ୨ଟି,ଅନୁନ୍ଧତୀ ରେଡ୍ଡି ୨ଟି ଏବଂ ରାଜେଶ୍ବରୀ ଗାଏୱାଡ ଗୋଟିଏ ୱିକେଟ ନେଇଥିଲେ।

2️⃣ matches
2️⃣ wins

India are on a roll this #T20WorldCup ? #INDvBAN SCORECARD ? https://t.co/iDG7m7cX0M pic.twitter.com/wMS2K1Aspp

— ICC (@ICC) February 24, 2020

ବିଶ୍ବକପର ପ୍ରଥମ ମ୍ୟାଚରେ ଡିଫେଣ୍ଡିଂ ଚାମ୍ପିୟନ୍ ଅଷ୍ଟ୍ରେଲିଆ ବିପକ୍ଷରେ ଜବରଦସ୍ତ ବିଜୟ ପରେ ଆତ୍ମବିଶ୍ୱାସରେ ଭରପୂର ଥିବା ଭାରତୀୟ ଦ୍ବିତୀୟ ମ୍ୟାଚରେ ବାଲାଂଦେଶକୁ ୧୮ ରନରେ ପରାସ୍ତ କରି ଚଳିତ ବିଶ୍ବକପରେ ତାର ବିଜୟଧାରା ବଜାୟ ରଖିବାରେ ସକ୍ଷମ ହୋଇଛି।