ଇଣ୍ଡବାରାଥ୍ କାରଖାନାରୁ ଚୋରି, ୧୪ ଚୋରଙ୍କ ସହ ୧୮ ଗିରଫ

ଝାରସୁଗୁଡ଼ା ଜିଲ୍ଲା ବନହରପାଲି ଥାନା ଅନ୍ତର୍ଗତ ସାହାଜବାହାଲସ୍ଥିତ  ଇଣ୍ଡବାରଥ୍ କାରଖାନାରୁ ଚୋରି ଅଭିଯୋଗରେ ୧୪ ଜଣ ଓ ସେମାନଙ୍କଠାରୁ ଚୋରି ସାମଗ୍ରୀ କିଣିଥିବା ଅଭିଯୋଗରେ ଆଉ ୪ ଜଣଙ୍କୁ ମିଶାଇ ମୋଟ ୧୮ ଜଣଙ୍କୁ ପୁଲିସ ଗିରଫ କରିଛି । ଗତ ୧୦ ତାରିଖ ବିଳମ୍ବିତ ରାତିରେ ଅଭିଯୁକ୍ତମାନେ ବନ୍ଦ ପଡ଼ିଥିବା ଇଣ୍ଡ ଭାରତ କାରଖାନାକୁ ପଶି ବିଭିନ୍ନ ସାମଗ୍ରୀ ଚୋରି କରିଥିଲେ।ଚୋରି ଶବ୍ଦ ଶୁଣି ସୁରକ୍ଷା କର୍ମୀ ତାଙ୍କର ଉପର ଅଧିକାରୀଙ୍କୁ ଜଣାଇଥିଲେ । ଏ ସମ୍ପର୍କରେ ବନହରପାଲି ଥାନାରେ ଏତଲା ହୋଇଥିଲା। ପୁଲିସ ଏକ ମାମଲା ରୁଜୁ କରି ତଦନ୍ତ କରିବା ସମୟରେ ଏଥିରେ ଏକାଧିକ ବ୍ୟକ୍ତି ସଂପୃକ୍ତ ଥିବା ସୂଚନା ପାଇଥିଲେ । ଏହାପରେ ପୁଲିସ ମନୋଜ ପ୍ରଧାନ, ସୁଦାମ ବେହେରା, ମନୋରଞ୍ଜନ ବେହେରା, ହରି ମୁଣ୍ଡା, ବଲରାମ ମୁଣ୍ଡା, ମୁନୁରାମ ମୁଣ୍ଡା, ସୁନିଲ ସତନାମୀ ଓ ଚନ୍ଦ୍ରପ୍ରକାଶ ସତନାମୀ, ରାମପ୍ରସାଦ ବାଗ, ଜଗଦୀଶ ସତନାମୀ, ସୁରୁବାବୁ ରୋହିଦାସ, କୁମାର ଭୋଇ, ସରୋଜ ମୁଣ୍ଡା, ବୃନ୍ଦାବନ ପଧାନ, ସୁଦାମ ଠାକୁର, ଅନୱର ହୁସେନ, ମାଧବ ଠାକୁ, ସଙ୍କୀର୍ତନ କୁନାର ପ୍ରମୁଖଙ୍କୁ ଗିରଫ କରିଥିଲା ।ସେମାନଙ୍କ ଠାରୁ ଲକ୍ଷାଧିକ ଟଙ୍କାର ତାର, ବ୍ୟାଟେରି, ଲୁହା ସାମଗ୍ରୀ, ଏକ ଅଟୋରିକ୍ସା ଉଦ୍ଧାର କରିଛି।

Comments are closed.