ଅଷ୍ଟ୍ରେଲିଆରେ ବିପକ୍ଷ ସିରିଜ୍‌ରେ ଇତିହାସ ସୃଷ୍ଟି କରିବା ଦ୍ୱାରରେ କ୍ୟାପଟେନ କୋହଲି

ମେଲବର୍ଣ୍ଣ : ଟିମ୍ ଇଣ୍ଡିଆ ଦୃଷ୍ଟିକୋଣରୁ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଦ୍ୱିପାକ୍ଷିକ ସିରିଜ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏଥି ସହିତ ଅଧିନାୟକ ବିରାଟ କୋହଲିଙ୍କ ପାଇଁ ଏହି ସିରିଜ୍ ସ୍ୱତନ୍ତ୍ର ହୋଇପାରେ । ଟିମ୍ ଇଣ୍ଡିଆର ତାରକା ବ୍ୟାଟ୍ସମ୍ୟାନ୍ ବିରାଟ ଏଥର ଅଷ୍ଟ୍ରେଲିଆରେ ଅନେକ ରେକର୍ଡ ଏବଂ ଐତିହାସିକ ସଫଳତା ହାସଲ କରିବାର ସୁଯୋଗ ପାଇବେ।

ବିରାଟ ବର୍ତ୍ତମାନ ପର୍ଯ୍ୟନ୍ତ ଅଷ୍ଟ୍ରେଲିଆରେ ମୋଟ ନଅଟି ଶତକୀୟ ଇନିଂସ ଖେଳିଛନ୍ତି, ଯେଉଁଥିରେ ଟେଷ୍ଟରେ ୬ ଟି ଶତକ ଏବଂ ଦିନିକିଆରେ ତିନୋଟି ଅନ୍ତର୍ଭୁକ୍ତ। ତାଙ୍କୁ ଏଥର ତିନୋଟି ଟି -୨୦, ତିନୋଟି ଦିନିକିଆ ଏବଂ ଆଡିଲେଡ୍‌ରେ ଗୋଲାପୀ ବଲ୍ ଟେଷ୍ଟ ଖେଳିବ। ଏଭଳି ପରିସ୍ଥିତିରେ, ଯଦି ବିରାଟ୍ ଦିନିକିଆ କିମ୍ବା ଟି-୨୦ରେ ରେ ଏକ ଶତକୀୟ ଇନିଂସ ଖେଳନ୍ତି ତେବେ ସେ ତିନିଟି ଫର୍ମାଟ୍‌ରେ ଅଷ୍ଟ୍ରେଲିଆରେ ଅଷ୍ଟ୍ରେଲିଆ ବିପକ୍ଷରେ ସର୍ବାଧିକ ଶତକ ହାସଲ କରିବାରେ ପ୍ରଥମ ଖେଳାଳି ହେବେ।

virat Kohali-Photo:Twitter

ବର୍ତ୍ତମାନ ବିରାଟ ଇଂଲଣ୍ଡର ପୂର୍ବତନ କ୍ରିକେଟର ଜ୍ୟାକ୍ ହବ୍ସଙ୍କ ସହ ସମାନ ୯ ଟି ଶତକୀୟ ଇନିଂସ ଅଷ୍ଟ୍ରେଲିଆ ମାଟିରେ ହାସଲ କରିଛନ୍ତି। ଯଦିଓ ହବ୍ସ ଟେଷ୍ଟରେ ସମସ୍ତ ଶତକୀୟ ଇନିଂସ ହାସଲ କରିଛନ୍ତି। ଏହା ବ୍ୟତୀତ ଯଦି ବିରାଟ ଦିବାରାତ୍ରୀ ଟେଷ୍ଟରେ ଏକ ଶତକ ସ୍କୋର କରନ୍ତି, ତେବେ ସେ ଅଷ୍ଟ୍ରେଲିଆ ମାଟିରେ ହୋଇଥିବା ଟେଷ୍ଟରେ ସର୍ବାଧିକ ଶତକ ହାସଲ କରିଥିବା ପ୍ରଥମ ଭାରତୀୟ ଖେଳାଳି ହେବେ। କୋହଲି ବର୍ତ୍ତମାନ ସଚିନଙ୍କ ସହ ସମାନ ଅର୍ଥାତ ଉଭୟ ଟେଷ୍ଟରେ ୬ଟି ଲେଖାଏଁ ଶତକୀୟ ଇନିଂସ ଖେଳିଛନ୍ତି। ଦେଖିବାକୁ ଗଲେ ବିରାଟ ଅଷ୍ଟ୍ରେଲିଆ ମାଟିରେ ମୋଟ୍ ୧୧ଟି ଶତକ ହାସଲ କରିଛନ୍ତି। କିନ୍ତୁ ଏଥିରୁ ୨୦୧୫ ବିଶ୍ବକପରେ ଦୁଇଟି ଶତକ ରହିଛି। ଏଥି ମଧ୍ୟରୁ ପାକିସ୍ତାନ ଏବଂ ଶ୍ରୀଲଙ୍କା ବିପକ୍ଷରେ ଦୁଇଟି ଶତକ ରହିଛି।

Image Credit : crickinfo

ଏଥି ସହିତ ଚଳିତ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଦ୍ୱିପାକ୍ଷିକ ସିରିଜ୍‌ରେ ବିରାଟ ସଚିନ୍‌ଙ୍କ ଆଉ ଏକ ରେକର୍ଡ ଭାଙ୍ଗିବାକୁ ସୁଯୋଗ ମିଳିବ। ୩୨ ବର୍ଷୀୟ ବିରାଟ ଦିନିକିଆରେ ଦ୍ରୁତତମ ୧୨ ହଜାର ରନ୍‌ ପୂରଣ କରି ସଚିନଙ୍କୁ ଅତିକ୍ରମ କରିବାରେ ସୁଯୋଗ ପାଇବେ। ବର୍ତ୍ତମାନ ପର୍ଯ୍ୟନ୍ତ ବିରାଟ ଦିନିକିଆରେ ୨୩୯ ଇନିଂସରେ ୧୧ ହଜାର ୮୬୭ ରନ୍ ସ୍କୋର କରିଛନ୍ତି ଏବଂ ଏହି ମାଇଲଖୁଣ୍ଟରେ ପହଞ୍ଚିବା ପାଇଁ ଅଷ୍ଟ୍ରେଲିଆ ବିପକ୍ଷରେ ଖେଳାଯିବାକୁ ଥିବା ଦିନିକିଆରେ ୧୩୩ ରନ୍ ଆବଶ୍ୟକ। ଯଦିଓ ଦିନିକିଆରେ ୧୨ ହଜାର ରନ୍‌ ପୂରଣ  କରିବା ପାଇଁ ସଚିନଙ୍କୁ ୩୦୦ ଇନିଂସ ଖେଳିବାକୁ ପଡିଥିଲା।

Comments
Loading...