ନୂଆଦିଲ୍ଲୀ : କରୋନା ଭୂତାଣୁ ସଂକ୍ରମଣ ରୋକିବା ପାଇଁ ତିହାର କାରାଗାରର ୩ହଜାର କଏଦୀଙ୍କୁ ସ୍ବତନ୍ତ୍ର ପାରୋଲରେ ଛଡ଼ାଯିବାକୁ ନିଷ୍ପତ୍ତି ହୋଇଛି। ସୋମବାର ସରକାର ଏ ସମ୍ପର୍କରେ ଦିଲ୍ଲୀ ହାଇକୋର୍ଟଙ୍କୁ ନିବେଦନ କରିଥିଲେ। ଏହି ପରିପ୍ରେକ୍ଷୀରେ କାରାଗାର କର୍ତ୍ତୃପକ୍ଷ ଭିଡ଼ ହ୍ରାସ କରିବା ପାଇଁ ୩ହଜାୀର କଏଦୀଙ୍କୁ ସ୍ବତନ୍ତ୍ର ପାରୋଲରେ ଛାଡ଼ିବାକୁ ବିଧିବଦ୍ଧ ନିଷ୍ପତ୍ତି ନେଇଛନ୍ତି। ପ୍ରଥମ ପର୍ଯ୍ୟାୟରେ ୧୫୦୦ ବିଚାରାଧୀନ କଏଦୀଙ୍କୁ ପାରୋଲ କିମ୍ବା ମଧ୍ୟବର୍ତ୍ତୀକାଳୀନ ଜାମିନରେ ଯିବ ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି। ସୂଚନାଯୋଗ୍ୟ ଯେ ସୋମବାର ପୂର୍ବାହ୍ଣରେ ଦିଲ୍ଲୀ ସରକାରଙ୍କ ଉପରୋକ୍ତ ଆବେଦନ ଉପରେ ହାଇକୋର୍ଟ ବିଚାରପତି ହିମା କୋହଲି ଓ ସୁବ୍ରମଣ୍ୟମ୍ ପ୍ରସାଦଙ୍କ ପୀଠ ଶୁଣାଣି କରିଥିଲେ। ସରକାର କଏଦୀଙ୍କୁ ଛାଡ଼ିବା ପାଇଁ କାରାଗାର ଆଇନରେ ସଂଶୋଧନ ଆଣିବାକୁ ପ୍ରସ୍ତାବ ଦେଇଥିଲେ।
Comments are closed.