ଇସଲାମାବାଦ୍: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ନିଜକୁ ହିଟଲର ଓ ନେପୋଲିୟନ୍ଙ୍କ ଠାରୁ ଶ୍ରେଷ୍ଠ ଭାବେ ପ୍ରମାଣିତ କରିବାକୁ ଚେଷ୍ଟା କରିଛନ୍ତି। ବିଭିନ୍ନ ପ୍ରସଙ୍ଗରେ ମତ ପରିବର୍ତ୍ତନ କରୁଥିବା ଅଭିଯୋଗର ଉତ୍ତରରେ ଇମ୍ରାନ୍ କହିଛନ୍ତି ଯେ ସେ ପରିସ୍ଥିତିକୁ ଦୃଷ୍ଟିରେ ରଖି ଦେଶର ହିତ ପାଇଁ ଯେଉଁମାନେ ନିଷ୍ପତ୍ତି ନିଅନ୍ତି ନାହିଁ ସେମାନେ ପ୍ରକୃତରେ ନେତା ନୁହନ୍ତି। ରୁଷିଆ ସହିତ ଯୁଦ୍ଧ ବେଳେ ଯଦି ହିଟ୍ଲର ଓ ନେପୋଲିୟନ ୟୁଟର୍ଣ୍ଣ ନେଇଥାନ୍ତେ ତେବେ ସେମାନେ ପରାଜୟ ସ୍ୱୀକାର କରି ନ ଥାନ୍ତେ।
ଏହାର ପ୍ରତିକ୍ରିୟାରେ ପାକିସ୍ତାନ ପିପୁଲ୍ସ ପାର୍ଟି ନେତା ସୟଦ ଖୁର୍ସିଦ କହିଛନ୍ତି ଯେ ହିଟଲର ଜଣେ ଏକଛତ୍ରବାଦ ଶାସକ ଥିଲେ। ଇମ୍ରାନ୍ ତାଙ୍କ ସହିତ ନିଜକୁ ତୁଳନା କରି ଏକଛତ୍ରବାଦ ଶାସକ ଭାବେ ପ୍ରମାଣିତ କରିବାକୁ ଚାହୁଁଛନ୍ତି। ସେହିପରି ପାକିସ୍ତାନର ପୂର୍ବତନ ବୈଦେଶିକ ମନ୍ତ୍ରୀ ମୁସଲିମ୍ ଲିଗ୍ ନୱାଜ୍ର ନେତା ଖାୱାଜା ମହମ୍ମଦ କହିଛନ୍ତି ଆସିଫ୍ କହିଛନ୍ତି ଯେ ଇମ୍ରାନ୍ ନିଜ ଦୋମୁହାଁ ଓ ସୁବିଧାବାଦୀ ନୀତି ଘୋଡ଼ାଇବା ପାଇଁ ଇତିହାସର ଉଦାହରଣ ଦେବା ଉଚିତ ନୁହେଁ।
