ସାରା ବିଶ୍ୱ କୋଭିଡ୍ ମହାମାରୀରୁ ରକ୍ଷା ପାଇଁ ପ୍ରୟାସ ଜାରି ରଖିଥିବାବେଳେ ଅର୍ଥମନ୍ତ୍ରୀ ନିର୍ମଳା ସୀତାରମଣ କୋଭିଡ ଟୀକା ଯୋଗାଣ ନେଇ ଅଧିକ ସହଯୋଗ ପାଇଁ ଆହ୍ୱାନ ଦେଇଛନ୍ତି। ୱାଶିଂଟନ୍ ଡିସିରେ ଆନ୍ତର୍ଜାତିକ ମୁଦ୍ରାପାଣ୍ଠିର ଏକ ବୈଠକରେ ଭାଗନେଇ ଅର୍ଥମନ୍ତ୍ରୀ କହିଛନ୍ତି ବିଶ୍ୱରୁ କରୋନା ମହାମାରୀକୁ ଦୂରେଇବାକୁ ହେଲେ ସମସ୍ତଙ୍କୁ କରୋନା ଟୀକା ଦିଆଯିବା ଜରୁରୀ। ସେ କହିଛନ୍ତି କୃଷି, ଶ୍ରମ ଏବଂ ଆର୍ଥିକ କ୍ଷେତ୍ରରେ ବ୍ୟାପକ ସଂସ୍କାରମୂଳକ ପଦକ୍ଷେପ ନିଆଯାଉଥିବାରୁ ଆଗାମୀ ଦିନରେ ଅର୍ଥ ବ୍ୟବସ୍ଥା ଟ୍ରାକ୍କୁ ଆସିବ।
ଗତକାଲି ଆନ୍ତର୍ଜାତିକ ମୁଦ୍ରା ପାଣ୍ଠିର ବୈଠକରେ ଭାଗନେଇ ସୀତାରମଣ ସମସ୍ତ ଦେଶକୁ କୋଭିଡ ମୁକାବିଲା ଏବଂ ଆର୍ଥିକ ସଂସ୍କାର ପ୍ରକ୍ରିୟାରେ ପ୍ରମୁଖ ଭୂମିକା ଗ୍ରହଣ କରିବାକୁ ଆହ୍ୱାନ ଦେଇଛନ୍ତି। ସେ କହିଛନ୍ତି କମ୍ ଆୟ କରୁଥିବା ଦେଶ ଏବଂ ଅଧିକ ଆୟ କରୁଥିବା ଦେଶ ମଧ୍ୟରେ ଟୀକାକରଣକୁ ନେଇ ଅତ୍ୟଧିକ ପ୍ରଭେଦ ଦେଖାଦେଇଛି। ଯାହାକୁ ଦୂରକରିବା ଅତ୍ୟନ୍ତ ଆବଶ୍ୟକ ଅଟେ। ସେ କହିଛନ୍ତି କୋଭିଡର ମୁକାବିଲା କରିବା ପାଇଁ ଶସ୍ତା ଏବଂ ସହଜ ସ୍ୱାସ୍ଥ୍ୟ ପ୍ରଣାଳୀ କାର୍ଯ୍ୟକାରୀ କରିବା ଆବଶ୍ୟକ।
Comments are closed.