ଶୁକ୍ରବାର ପ୍ରକାଶ ପାଇବ ଆଇସିଏସଇ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ, ଜାଣନ୍ତୁ କେମିତି ଜାଣିବେ ପରୀକ୍ଷା ଫଳ

ଆସନ୍ତାକାଲି ଜୁଲାଇ ୧୦ରେ ଆଇସିଏସଇ ପରିଚାଳିତ ୨୦୨୦ ବର୍ଷର ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇବ। କାଉଁସିଲ ଫର ଦ ଇଣ୍ଡିଆନ ସ୍କୁଲ ସାର୍ଟିଫିକେଟ ଏକ୍ଜାମିନେସନସ, ସିଆଇସିଏସଇ ଦ୍ୱାରା ଜାରି କରାଯାଇଥିବା ସୂଚନା ଅନୁଯାୟୀ ଆସନ୍ତାକାଲି ଅପରାହ୍ନ ୩ଟାରେ ଏହି ଫଳ ପ୍ରକାଶ ପାଇବ। ପରିଷଦ ଅଧୀନରେ ପରୀକ୍ଷା ଦେଇଥିବା ବିଦ୍ୟାଳୟଗୁଡିକ ସେମାନଙ୍କ ଅଧ୍ୟକ୍ଷଙ୍କ ଲଗିନ ଆଇଡ଼ି ଓ ପାସ ୱାର୍ଡ଼ ଦେଇ ପରୀକ୍ଷା ଫଳ ଜାଣିପାରିବେ।

ଏହି ଫଳାଫଳ ଛାତ୍ରଛାତ୍ରୀଙ୍କ ପାଇଁ ଦୁଇଟି ୱେବସାଇଟରେ ପ୍ରକାଶ ପାଇବ, ସେହି ଦୁଇଟି ୱେବସାଇଟ ହେଉଛି www.cisce.org ଏବଂ www.results.cisce.org ଯେଉଁଥିରେ ଛାତ୍ରଛାତ୍ରୀମାନେ ସେମାନଙ୍କ ୟୁନିକ ଆଇଡି ଓ ଇଣ୍ଡେକ୍ସ ନମ୍ବର ଦେଇ ଫଳାଫଳ ଜାଣିପାରିବେ। ଅନ୍ୟପକ୍ଷରେ ଏସଏମଏସ ମାଧ୍ୟମରେ ଫଳାଫଳ ଜାଣିବା ପାଇଁ ମେସେଜ ବକ୍ସରେ ICSE ସ୍ପେସ ଦେଇ ନିଜର ୭ଟିକିଆ ୟୁନିକ ଆଇଡି ଟାଇପ କରି ୦୯୨୪୮୦୮୨୮୮୩କୁ ପଠାଇ ପାରିବେ। ଜୁଲାଇ ୧୬ ସୁଦ୍ଧା ଅନଲାଇନ ଯୋଗେ ଖାତା ପୁନଃ ମୂଲ୍ୟାଙ୍କନ ପାଇଁ ଆବେଦନ କରାଯାଇ ପାରିବ ବୋଲି ପରିଷଦ ସୂଚନା ଦେଇଛି।

Press Release Result 2020

ସୂଚନାଯୋଗ୍ୟ ଯେ ଆଜି ସିବିଏସଇ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ଜୁଲାଇ ମାସରେ ପ୍ରକାଶ ପାଇବା ନେଇ ଏକ ମିଥ୍ୟା ସମ୍ବାଦ ଯୋଗୁ କିଛି ସମୟ ଧରି ଅଭିଭାବକ ଓ ଛାତ୍ରଛାତ୍ରୀମାନେ ବ୍ୟସ୍ତ ହୋଇ ପଡ଼ିଥିଲେ ତେବେ ପରେ ଏହା ଫେକ ନ୍ୟୁଜ ବୋଲି ସିବିଏସଇ ପକ୍ଷରୁ ସ୍ପଷ୍ଟ କରାଯାଇଥିଲା।

Comments
Loading...