ଏହି ହୋଟେଲରେ ଗୋଟିଏ ରାତି ରହିବାର ଭଡ଼ା ୧ଲକ୍ଷ ଟଙ୍କା

ସ୍ୱିଡ଼େନରେ ଏପରି ଏକ ହୋଟେଲ ଅଛି, ଯାହା ପ୍ରତ୍ୟେକ ବର୍ଷ ନିର୍ମାଣ କରାଯାଏ ଓ ଏହା ନଦୀରେ ଭାସିଯାଏ। ଏହା ଆଇସି ହୋଟେଲ ବା ବରଫ ହୋଟେଲ ନାମରେ ଜଣାଶୁଣା।
ସ୍ୱିଡ଼େନର ଏହି ବରଫ ହୋଟେଲକୁ ପ୍ରତ୍ୟେକ ବର୍ଷ ଶୀତ ଦିନେ ନିର୍ମାଣ କରାଯାଏ। ଏହି ହୋଟେଲକୁ ନିର୍ମାଣକୁ କରିବାର ପରମ୍ପରା ୧୯୮୯ ଠାରୁ ଆରମ୍ଭ ହୋଇଛି ବୋଲି କୁହାଯାଏ।
ଏହି ହୋଟେଲକୁ ଟୋରନେ ନଦୀ କୂଳରେ ନିର୍ମାଣ କରାଯାଏ। ଏହାକୁ ନିର୍ମାଣ କରିବାକୁ ନଦୀରୁ ପ୍ରାୟ ୨୫୦୦ ଟନ୍‍ ବରଫ କଢାଯାଇଥାଏ । ଅକ୍ଟୋବର ମାସରୁ ଏହି ହୋଟେଲର ନିର୍ମାଣ କାର୍ୟ୍ୟ ଆରମ୍ଭ ହୋଇଥାଏ। ଏହାକୁ ନିର୍ମାଣ କରିବା ପାଇଁ ସାରା ଦୁନିଆରୁ ବହୁ କଳାକାର ଆସିଥାଆନ୍ତି। ପର୍ୟ୍ୟଟକମାନେ ରହିବା ପାଇଁ ଏହି ହୋଟେଲରେ ବହୁ କକ୍ଷ ମଧ୍ୟ ନିର୍ମାଣ କରାଯାଏ।
ଏହି ହେଟେଲର ବାହାର ଓ ଭିତର ଉଭୟର ଦୃଶ୍ୟ ଖୁବ ମନୋଲୋଭା। ମେ ମାସ ଯାଏ ଏହି ହୋଟେଲ ରହିଥାଏ। ଏହାପରେ ଏହି ବରଫ ତରଳିବାକୁ ଆରମ୍ଭ ହୋଇଥାଏ। ତେଣୁ ହୋଟେଲକୁ ବନ୍ଦ କରାଯାଇଥାଏ। ହୋଟେଲରେ ଗୋଟିଏ ରାତି ରହିବା ପାଇଁ ଭଡ଼ା ୧୭ ହଜାରରୁ ଆରମ୍ଭ ହୋଇ ୧ ଲକ୍ଷ ଟଙ୍କା ପର୍ୟ୍ୟନ୍ତ ରହିଛି। ଏହି ହୋଟେଲକୁ ଇକୋ ଫେଣ୍ଡଲୀ ହୋଟେଲ ଅର୍ଥାତ ପରିବେଶ ପାଇଁ ଅନୁକୂଳ ବୋଲି କୁହାଯାଏ। । ଏଠାରେ କେବଳ ସୌରଶକ୍ତିରେ ଚାଳିତ ହେଉଥିବା ଉପକରଣ ବ୍ୟବହାର କରାଯାଏ। ଏହି ହୋଟେଲର ଅନ୍ୟ ସ୍ୱତନ୍ତ୍ରତା ହେଉଛି ଏଠାରେ ପର୍ୟ୍ୟଟକ ପାନୀୟ ଦ୍ରବ୍ୟକୁ ପିଇବା ପାଇଁ ବରଫରେ ପ୍ରସ୍ତୁତ ଗ୍ଲାସକୁ ବ୍ୟବହାର କରିଥାଆନ୍ତି। ପିଲାମାନଙ୍କ ପାଇଁ ମଧ୍ୟ ଏଠାରେ ସେମାନଙ୍କ ମନପସନ୍ଦର କ୍ରିଏଟିବ୍‍ ଯୋନ ତିଆରି ହୋଇଛି। ଯାହା ସେମାନଙ୍କୁ ଖୁବ ପସନ୍ଦ ଆସିଥାଏ।

Comments
Loading...