ଭୁବନେଶ୍ୱର: ଆଜି ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ନିର୍ଦେଶାଳୟରେ ଦୁର୍ନୀତି ନିବାରଣ ଶପଥ ପାଠ ଅନୁଷ୍ଠିତ ହୋଇଯାଇଛି। ବିଭାଗୀୟ ନିର୍ଦେଶକ କୃପାସିନ୍ଧୁ ମିଶ୍ର କାର୍ଯ୍ୟାଳୟର ସମସ୍ତ କର୍ମଚାରୀ, ଉପବିଭାଗୀୟ ଅଧିକାରୀ ଓ କର୍ମଚାରୀମାନଙ୍କୁ କାର୍ଯ୍ୟରେ ସାଧୁତା ଓ ସଚ୍ଚୋଟତାର ସର୍ବୋଚ୍ଚ ମାନକୁ ଅନୁସରଣ କରିବା ଏବଂ ଦୁର୍ନୀତି ବିରୋଧରେ ସଂଗ୍ରାମକୁ ସମର୍ଥନ କରିବା ପାଇଁ ଶପଥ କରାଇଥିଲେ। ଆହୁରି ମଧ୍ୟ କର୍ମଚାରୀମାନେ ସମସ୍ତ କାର୍ଯ୍ୟ ସ୍ୱଚ୍ଛତାର ସହ ସମ୍ପାଦନ, ଜନହିତରେ କାର୍ଯ୍ୟ, ବ୍ୟକ୍ତିଗତ ଜୀବନରେ ସାଧୁତା ପ୍ରଦର୍ଶନ ଏବଂ ଯେ କୌଣସି ଦୁର୍ନୀତି ସମ୍ପର୍କରେ ଉପଯୁକ୍ତ କର୍ତ୍ତୃପକ୍ଷଙ୍କୁ ଅବଗତ କରାଇବାର ଶପଥ ନେଇଥିଲେ। ସମ୍ପ୍ରତି ଚଳିତ ବର୍ଷ ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ପ୍ରସଙ୍ଗ ରହିଛି ‘ସତର୍କ ଭାରତ, ସମୃଦ୍ଧ ଭାରତ’। ଏହି ପରିପ୍ରେକ୍ଷୀରେ ବିଭାଗୀୟ ଅତିରିକ୍ତ ନିର୍ଦେଶକ ବରଦା ପ୍ରସନ୍ନ ଦାସ ‘କେନ୍ଦ୍ରୀୟ ସତର୍କତା ଆୟୋଗ’ଙ୍କ ନିର୍ଦେଶନାମା ଅନୁସାରେ ରାଜ୍ୟ ସରକାରଙ୍କ ତରଫରୁ ଚଳିତ ମାସ ଅକ୍ଟୋବର ୨୭ରୁ ଆସନ୍ତା ନଭେମ୍ବର ମାସ ୨ ତାରିଖ ପର୍ଯ୍ୟନ୍ତ ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ କରାଯାଉଥିବା ସମ୍ପର୍କରେ ସୂଚନା ପ୍ରଦାନ କରିଥିଲେ।
Comments are closed.