ହ୍ୟୁଷ୍ଟନ କନସ୍ୟୁଲେଟ କାର୍ଯାଳୟର ଗୁରୁତ୍ବପୂର୍ଣ୍ଣ ଦସ୍ତାବିଜ ଜାଳିଦେଲା ଚୀନ

ଆମେରିକା ଓ ଚୀନ ମଧ୍ୟରେ ସମ୍ପର୍କ ଅତି ସ୍ପର୍ଶକାତର ହେବାରେ ଲାଗିଛି । ମଙ୍ଗଳବାର ରାତିରେ ହ୍ୟୁଷ୍ଟନସ୍ଥିତ ଚୀନା କନସୁଲେଟରେ ବିପୁଳ ପରିମାଣର ଗୁରୁତ୍ବପୂର୍ଣ ନଥି ପତ୍ର ଜଳାଇ ଦିଆଯାଇଛି । ଏହାର କିଛି ସମୟ ପରେ ଆମେରିକା ଚୀନକୁ ୭୨ ଘଣ୍ଟା ମଧ୍ୟରେ କନସୁଲେଟ ବନ୍ଦ କରିବାକୁ ନିର୍ଦେଶ ଦେଇଛି ।

ମଙ୍ଗଳବାର ସ୍ଥାନୀୟ ସମୟ ରାତି ପ୍ରାୟ ୮ଟା ବେଳେ ହ୍ୟୁଷ୍ଟନର ଚୀନ କନସୁଲେଟର ପଛ ଭାଗରେ ନିଆଁ ଜଳୁଥିବା ଓ ଧୂଆଁ ଉଠୁଥିବା ଦେଖାଯାଇଥିଲା । ନିକଟରେ ରହୁଥିବା ଲୋକମାନେ ଏ ସମ୍ପର୍କରେ ପୁଲିସ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ୫ ମିନିଟ୍ ମଧ୍ୟରେ ପୁଲିସ ଓ ନିଆଁଲିଭା ଦଳ କନସ୍ୟୁଲେଟରେ ପହଞ୍ଚି ଯାଇଥିଲେ । ମାତ୍ର ସେମାନଙ୍କୁ ଭିତରକୁ ଯିବାକୁ ଦିଆଯାଇ ନ ଥିଲା । ଏହାର କିଛି ସମୟ ପରେ ନିଆଁ ଲିଭି ଯାଇଥିଲା । କନସ୍ୟୁଲେଟର ନିକଟସ୍ଥ ଏକ କୋଠାରେ ରହୁଥିବା ଜଣେ ବ୍ୟକ୍ତି ଘଟଣାର ଏକ ଭିଡ଼ିଓ ପ୍ରସ୍ତୁତ କରିଥିଲେ ।

NEW VIDEO: Documents, other materials appear to be burned in courtyard of Consulate General of China in Houston, Texas; police and fire responded but its unclear it they entered property

@KPRC2Tulsi

pic.twitter.com/4vZktNpsWQ

— Breaking911 (@Breaking911) July 22, 2020

ଏଥିରେ ସ୍ପଷ୍ଟ ଦେଖାଯାଉଥିଲା ଯେ ପ୍ଲାଷ୍ଟିର ଏକ ସାମଗ୍ରୀରେ କିଛି ଦସ୍ତାବିଜ ଅଣାଯାଉଥିଲା ଓ ଏହାକୁ ନିଆଁରେ ପକାଯାଉଥିଲା । ଏହାର କିଛି ସମୟ ପରେ ପୁଲିସ ଓ ଅଗ୍ନିଶମ ବାହିନୀ ସେଠାରେ ପହଞ୍ଚିଥିଲେ । ନିକଟରେ ରହୁଥିବା କିଛି ଲୋକ ବି ପହଞ୍ଚିଥିଲେ । ମାତ୍ର ସେମାନଙ୍କୁ ଭିତରକୁ ଯିବାକୁ ଦିଆଯାଇ ନ ଥିଲା । କନସ୍ୟୁଲେଟ୍ ପକ୍ଷରୁ ମଧ୍ୟ ଏ ସମ୍ପର୍କରେ କୌଣସି ସୂଚନା ଦିଆଯାଇନାହିଁ ।

.@HoustonFire and @houstonpolice are responding to reports of documents being burned at the Consulate General of China on 3417 Montrose Boulevard. Here’s what the scene looks like there right now. pic.twitter.com/grUHhqmUz4

— KPRC2Tulsi (@KPRC2Tulsi) July 22, 2020

ସୋସିଆଲ ମିଡ଼ିଆରେ ଚୀନ କନସ୍ୟୁଲେଟ ଭିତରେ ନିଆଁକୁ ନେଇ ଯାବତୀୟ ପ୍ରତିକ୍ରିୟା ପ୍ରକାଶ ପାଇଛି । ଏହି କାଗଜପତ୍ର ଅତ୍ୟନ୍ତ ସମ୍ବେଦନଶୀଳ ଦସ୍ତାବିଜ ହୋଇଥାଇପାରେ ବୋଲି ଅନେକ ଆଶଙ୍କା କରିଛନ୍ତି ଏବଂ ସେଇଥିପାଇଁ ତାକୁ ଜଳାଇ ଦିଆଯାଇଛି ବୋଲି କେହିକେହି କହିଛନ୍ତି । ଯଦି ଅକସ୍ମାତ ନିଆଁ ଲାଗିଥିଲା, ତେବେ ଅଗ୍ନିଶମ ବାହିନୀକୁ ନିଆଁ ଲିଭାଇବାକୁ କାହିଁକି ସୁଯୋଗ ଦିଆଗଲା ନାହିଁ ବୋଲି ଅନେକ ପ୍ରଶ୍ନ କରିଛନ୍ତି ।

ଚୀନ ସରକାରୀ ସମ୍ବାଦପତ୍ର ଗ୍ଲୋବାଲ ଟାଇମ୍ସରେ ଏ ସମ୍ପର୍କରେ ସୂଚନା ଦେବା ସହ ଏପରି ନିଷ୍ପତ୍ତିକୁ ପାଗଳାମୀ ବୋଲି କହିଛି ।

#US imposed restrictions on Chinese diplomats to the US in October 2019 & June 2020 and also opened Chinese diplomatic bags on many occasions. The decision to close the Chinese Consulate General in Houston is an unprecedented escalation of its moves against #China: Chinese FM pic.twitter.com/Z1a5X3Yvlf

— Global Times (@globaltimesnews) July 22, 2020