ବିବାହ ବାର୍ଷିକୀରେ ପତ୍ନୀକୁ ପତି ଉପହାର ଦେଲେ ଜହ୍ନରେ ଜମି

ବିବାହ ବାର୍ଷିକୀରେ ସ୍ବାମୀମାନେ ତାଙ୍କ ପତ୍ନୀମାନଙ୍କୁ ବିଭିନ୍ନ ଉପହାର ଦେଇଥାଆନ୍ତି । ମାତ୍ର ରାଜସ୍ଥାନର ଅଜମେରରେ ରହୁଥିବା ଧର୍ମେନ୍ଦ୍ର ତାଙ୍କ ପତ୍ନୀଙ୍କୁ ଏମିତି ଏକ ଉପହାର ଦେଇଛନ୍ତି ଯେ ତାହା ଆପଣ କଳ୍ପନା ମଧ୍ୟ କରି ପାରିବେ ନାହିଁ । ୮ମ ବିବାହ ବାର୍ଷିକୀରେ ଧର୍ମେନ୍ଦ୍ର ତାଙ୍କ ପତ୍ନୀଙ୍କୁ ଚନ୍ଦ୍ରରେ ୩ ଏକର ଜମି ଉପହାର ଦେଇଛନ୍ତି । ଧର୍ମେନ୍ଦ୍ର କହିଛନ୍ତି ଯେ ତାଙ୍କ  ପତ୍ନୀ ସପ୍ନା ଅନିଜାଙ୍କ ପାଇଁ ସେ କିଛି ନୂଆ ଉପହାର ଦେବାକୁ ଚିନ୍ତା କରିଥିଲେ । ତେଣୁ ସେ ଚନ୍ଦ୍ରରେ ଜମି କିଣିବାକୁ ମନସ୍ଥ କରିଥିଲେ ।

ଧର୍ମେନ୍ଦ୍ର କହିଛନ୍ତି ଯେ  ଡିସେମ୍ବର ୨୪ରେ ଆମର ବିବାହ ବାର୍ଷିକୀ ଥିଲା ମୁଁ ତାଙ୍କ ପାଇଁ କିଛି ବିଶେଷ କରିବାକୁ ଚାହୁଁଥିଲି | ସମସ୍ତେ କାର୍ ଏବଂ ଅଳଙ୍କାର ଭଳି ସାଂସାରିକ ସମ୍ପତ୍ତି ଉପହାର ଦିଅନ୍ତି, କିନ୍ତୁ ମୁଁ କିଛି ଅଲଗା କରିବାକୁ ଚାହୁଁଥିଲି | ତେଣୁ ମୁଁ ତାଙ୍କ ପାଇଁ ଚନ୍ଦ୍ରରେ ଜମି କିଣିଲି।  ସୂଚନା ଅନୁସାରେ ଧର୍ମେନ୍ଦ୍ର ଅନିଜା ଲୁନାର ସୋସାଇଟି ଇଣ୍ଟରନ୍ୟାସନାଲ ମାଧ୍ୟମରେ ଏହି ଜମି କିଣିଥିଲେ। ଏହି ପ୍ରକ୍ରିୟା ଶେଷ ହେବାକୁ ପ୍ରାୟ ଏକ ବର୍ଷ ସମୟ ଲାଗିଥିବା ଧର୍ମେନ୍ଦ୍ର ଅନିଜା କହିଛନ୍ତି। ରାଜସ୍ଥାନର ପ୍ରଥମ ବ୍ୟକ୍ତି ଭାବରେ ସେ ଚନ୍ଦ୍ରରେ ଜମି କିଣିଥିବାରୁ ବହୁତ ଖୁସି ବୋଲି ଧର୍ମେନ୍ଦ୍ର କହିଛନ୍ତି।

ଅନ୍ୟପକ୍ଷରେ ସ୍ବପ୍ନା ଅନିଜା କହିଛନ୍ତି ତାଙ୍କ ସ୍ବାମୀ ଏମିତି ଉପହାର ତାଙ୍କୁ ଦେବେ ବୋଲି ସେ କଳ୍ପନା କରି ନ ଥିଲେ । ବିବାହ ବାର୍ଷିକୀ ଅବସରରେ ଘରେ ଏକ ଛୋଟ ଧରଣର ଭୋଜିଭାତ ଆୟୋଜନ କରାଯାଇଥିଲା । ଏହି ସମୟରେ ସେ ଚନ୍ଦ୍ରରେ କିଣିଥିବା ସମ୍ପତ୍ତିର ପ୍ରମାଣପତ୍ର ସେ ମୋତେ ଦେଇଥିଲେ ବୋଲି ସ୍ବପ୍ନା କହିଛନ୍ତି ।

Comments are closed.