କରୋନା ମହାମାରୀ ହେତୁ ପ୍ରାୟ ସାତ ମାସ ହେବ ବନ୍ଦ ରହିଥିବା ହୁନର ହାଟ ଆସନ୍ତାକାଲିଠାରୁ ପୁଣି ଆରମ୍ଭ ହେବ। କେନ୍ଦ୍ର ସଂଖ୍ୟାଲଘୁ ବ୍ୟାପାର ମନ୍ତ୍ରୀ ମୁଖତାର ଅବ୍ବାସ ନକଭି ଦିଲ୍ଲୀ ହାଟର ପିତମପୁରାରେ ଏହି ହାଟକୁ ଉଦଘାଟନ କରିବେ। ଏହାର ବିଷୟବସ୍ତୁ ହେଉଛି ଭୋକାଲ୍ ଫର ଲୋକାଲ ଯେଉଁଠାରେ ମାଟି, ଧାତୁ ଏବଂ କାଠ ଏବଂ ଝୋଟରୁ ନିର୍ମିତ ସ୍ୱଦେଶୀ ସୂକ୍ଷ୍ମ ଉତ୍ପାଦଗୁଡ଼ିକ ମୁଖ୍ୟ ଆକର୍ଷଣ ହେବ।
ଶ୍ରୀ ନକଭି କହିଛନ୍ତି ଯେ ମାଟିରୁ ନିର୍ମିତ ବିରଳ ସୂକ୍ଷ୍ମ ଦ୍ରବ୍ୟ, ବିଭିନ୍ନ ଧାତୁ ଏବଂ କାଠ ଦ୍ରବ୍ୟ ଏବଂ ବେତ-ବାଉଁଶରୁ ନିର୍ମିତ ଦ୍ରବ୍ୟ ପ୍ରଦର୍ଶନ ପାଇଁ ଉପଲବ୍ଧ ହେବ। ନଭେମ୍ବର ୨୨ ପର୍ଯ୍ୟନ୍ତ ହୁନର ହାଟ ଖୋଲା ରହିବ। ମନ୍ତ୍ରୀ କହିଛନ୍ତି ଯେ ଦେଶର ପ୍ରତ୍ୟେକ ଅଂଚଳରେ ଦେଶୀ ଦ୍ରବ୍ୟର ପାରମ୍ପାରିକ ତଥା ପୈତୃକ ଉତ୍ତରାଧିକାରୀ ରହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସ୍ବଦେଶୀ ଦ୍ରବ୍ୟ ଉପରେ ଗୁରୁତ୍ୱ ଦେବା ପରେ ଏ ନେଇ ଅଧିକ ଉତ୍ସାହ ପ୍ରକାଶ ପାଇଥିବା ସେ କହିଛନ୍ତି।
ଶ୍ରୀ ନକଭି କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭୋକାଲ୍ ଫର ଲୋକାଲ ପ୍ରସଙ୍ଗ ଉତଥାପନ କରିବା ପରେ ଭାରତୀୟ ପାରମ୍ପରିକ ଶିଳ୍ପରେ ବହୁତ ବୃଦ୍ଧି ଘଟିଛି। ଏହା ମଧ୍ୟ ଆତ୍ମନିର୍ଭର ଭାରତ ମିଶନକୁ ମଜବୁତ କରୁଛି। ସେ କହିଛନ୍ତି ଯେ ଏହି ହୁନର ହାଟରେ ୧୦୦ରୁ ଅଧିକ ଷ୍ଟଲ ସ୍ଥାପନ କରାଯାଇଛି। ସେ କହିଛନ୍ତି ଯେ ହୁନର ହାଟରେ କରୋନା ମହାମାରୀ ସମ୍ବନ୍ଧୀୟ ସାମାଜିକ ଦୂରତା ଏବଂ ଅନ୍ୟାନ୍ୟ ନିର୍ଦ୍ଦେଶାବଳୀକୁ କଡାକଡି ଭାବେ ପାଳନ କରାଯିବ।
Comments are closed.