କୋଭିଡ ନିୟମ ଉଲ୍ଲଂଘନ: ରାଜପୁତ ହୋଟେଲ ୨ ଦିନ ପାଇଁ ବନ୍ଦ, ୧୪ ହଜାର ଟଙ୍କା ଜରିମାନା

ମୋହନା: ଗଜପତି ଜିଲ୍ଲା ମୋହନା ବ୍ଳକରେ କୋଭିଡ ନିୟମକୁ କଡ଼ାକଡ଼ି ଭାବେ ପାଳନ କରିବା ପାଇଁ ପ୍ରଶାସନ ପକ୍ଷରୁ ଜୋରସୋରରେ ଉଦ୍ୟମ ଆରମ୍ଭ କରାଯାଇଛି। ଏହି ପରିପ୍ରେକ୍ଷୀରେ ସ୍ଥାନୀୟ ବ୍ଳକ ଅନ୍ତର୍ଗତ ଲୁହାଗୁଡ଼ି ଗ୍ରାମ ଛକ ନିକଟରେ ରହିଥିବା ରାଜପୁତ ହୋଟେଲ( ଢ଼ାବା) କୋଭିଡ ନିୟମକୁ ପାଳନ କରୁ ନ ଥିବା ଖବର ପାଇ ମୋହନା ତହସିଲଦାର କଲ୍ୟାଣୀ ସଙ୍ଘମିତ୍ରା ଦେବୀ ଓ ଅତିରିକ୍ତ ତହସିଲଦାର ଆଶିଷ କୁମାର ପ୍ରଧାନ ଅଚାନକ ହୋଟେଲ ପରିଦର୍ଶନ କରିଥିଲେ। ହୋଟେଲର ୭ ଜଣ କର୍ମଚାରୀ ମାସ୍କ ପରିଧାନ କରି ନ ଥିବା ଦେଖିବାକୁ ପାଇଥିଲେ। ଏଣୁ କୋଭିଡ ନିୟମ ଉଲ୍ଲଂଘନ ଅଭିଯୋଗରେ ରାଜପୁତ ହୋଟେଲକୁ ୪୮ ଘଣ୍ଟା ପାଇଁ ସିଲ କରିବା ସହିତ ସମ୍ମୁଖରେ ନୋଟିସ ମାରିଥିଲେ । ୭ ଜଣ କର୍ମଚାରୀ ମାସ୍କ ପରିଧାନ କରି ନଥିବା ଯୋଗୁ ମାଲିକଙ୍କଠାରୁ ୧୪ ହଜାର ଟଙ୍କା ଜରିମାନା ଆଦାୟ କରିଥିଲେ ।

Comments
Loading...