ରୋଗୀଙ୍କୁ ଘୋଷାରି ଏକ୍ସ-ରେ କକ୍ଷକୁ ନେଲେ ହସ୍ପିଟାଲ କର୍ମଚାରୀ, ଭିଡିଓ ଭାଇରାଲ

ଭୋପାଳ: ହସ୍ପିଟାଲରେ ରୋଗୀଙ୍କୁ ନିର୍ଯାତନା ମିଳୁଛି। ରୋଗୀଙ୍କ ସେବାଯତ୍ନ ପାଇଁ ରହିଥିବା ହସ୍ପିଟାଲର କର୍ମଚାରୀମାନେ ସେମାନଙ୍କୁ ଅକଥନୀୟ ନିର୍ଯାତନା ଦେଉଛନ୍ତି। ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ମଧ୍ୟପ୍ରଦେଶର ଜବଲପୁରସ୍ଥିତ ନେତାଜୀ ସୁଭାଷ ଚନ୍ଦ୍ର ବୋଷ(ଏନଏସସିବି) ମେଡିକାଲ କଲେଜରେ। ହସ୍ପିଟାଲରେ ଚିକିତ୍ସାଧୀନ ଥିବା ଜଣେ ରୋଗୀଙ୍କର ଏକ୍ସ-ରେ କରାଯିବାର ଥିଲା। ତେଣୁ ତାଙ୍କୁ ଷ୍ଟ୍ରେଚରରେ ନ ନେଇ କର୍ମଚାରୀମାନେ ତଳେ ଘୋଷାରି ଘୋଷାରି ନେଇଥିଲେ। ଏହି ଦୃଶ୍ୟ ଏକ କ୍ୟାମେରାରେ ରେକର୍ଡ ହେବା ପରେ ଘଟଣାଟି ପଦାକୁ ଆସିଛି। ରୋଗୀ ଜଣକ ତଳେ ପଡ଼ିଥିବା ଏକ ବେଡ୍‌ଶିଟ୍‌ ଉପରେ ଶୋଇଥିଲାବେଳେ କର୍ମଚାରୀ ଜଣକ ବେଡ୍‌ଶିଟ୍‌କୁ ଧରି ଘୋଷାଡ଼ି ଘୋଷାରି ନେଉଥିବା ଦେଖିବାକୁ ମିଳିଥିଲା।

ଏହି ଘଟଣା ପଦାକୁ ଆସିବା ପରେ ମେଡିକାଲ କଲେଜ ଡିନ୍‌ ଡା. ନଭନୀତ ସକ୍‌ସେନା କହିଛନ୍ତି, ୩ କର୍ମଚାରୀଙ୍କୁ ନିଲମ୍ବନ କରାଯାଇଛି। ମେଡିକାଲ ପ୍ରଶାସନ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଛି। ଯେଉଁମାନେ ଦୋଷୀ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

#WATCH: Staff at Netaji Subhash Chandra Bose Medical College in Jabalpur takes a patient to X-Ray room by dragging him on a bed sheet. Dean Dr Navneet Saxena says, “3 persons have been suspended. Inquiry underway, action will be taken” #MadhyaPradesh pic.twitter.com/m5LPjyZ2ZP

— ANI (@ANI) June 29, 2019