ନୂଆଦିଲ୍ଲୀ : ହକି ଇଣ୍ଡିଆ ପକ୍ଷରୁ ଏଫ୍ଆଇଏଚ୍ ପୁରୁଷ ହକି ସିରିଜ୍ ଫାଇନାଲ୍ ମ୍ୟାଚ୍ ପାଇଁ ୧୮ଜଣିଆ ଭାରତୀୟ ଦଳର ଖେଳାଳିମାନଙ୍କର ନାମ ଘୋଷଣା କରାଯାଇଛି । ହକି ଦଳର ନେତୃତ୍ୱ ମନପ୍ରିତ୍ ସିଂହ ନେବେ। ଓଡ଼ିଶା ବୀରେନ୍ଦ୍ର ଲାକ୍ରା ଟିମ୍ର ଉପ ଅଧିନାୟକ ରହିବେ । ଆସନ୍ତା ମାସ ୬ତାରିଖରୁ ଭୁବନେଶ୍ୱରରେ ଏହି ପୁରୁଷ ହକି ସିରିଜ୍ ଖେଳାଯିବ।
୯ମାସର ବ୍ୟବଧାନ ପରେ ଷ୍ଟ୍ରାଇକର୍ ରମଣଦୀପ ସିଂହଙ୍କୁ ପୁନର୍ବାର ଟିମରେ ସାମିଲ କରାଯାଇଛି । ଆଣ୍ଠୁରେ ଆଘାତ ପାଇଥିବାରୁ ତାଙ୍କୁ ବିଶ୍ରାମ ଦିଆଯାଇଥିଲା। ଟିମ୍ର ଅନ୍ୟ ଖେଳାଳିମାନଙ୍କ ମଧ୍ୟରେ ବରୁଣ କୁମାର, ଅମିତ ରୋହିଦାସ ଓ ସୁମୀତ ଅଛନ୍ତି। ଅଭିଜ୍ଞ ଗୋଲକିପର ପି.ଆର୍. ଶ୍ରୀଜେସ୍ ଓ କ୍ରିଷନ୍ ବି. ପାଠକ ମଧ୍ୟ ଟିମରେ ସାମିଲ ହୋଇଛନ୍ତି।
ଭାରତ, ରୁଷ, ପୋଲାଣ୍ଡ ଓ ଉଜବେକିସ୍ଥାନ ସହ ପୁଲ୍-ଏରେ ସ୍ଥାନ ପାଇଥିବା ବେଳେ ଜାପାନ୍, ମେକ୍ସିକୋ, ଆମେରିକା ଓ ଦକ୍ଷିଣ ଆଫ୍ରିକା
ପୁଲ୍-ବିରେ ସ୍ଥାନ ପାଇଛନ୍ତି। ଭାରତ ଏହାର ପ୍ରଥମ ମ୍ୟାଚ୍ ରୁଷ୍ ବିପକ୍ଷରେ ଖେଳିବ।
Comments are closed.