ପ୍ରତ୍ୟାବର୍ତ୍ତନ ସହ ଟେନିସ କୋର୍ଟରେ ସକ୍ରିୟ ସାନିଆ
୨ ବର୍ଷ ପରେ ବିଜୟ ସହିତ ସଫଳ ପ୍ରତ୍ୟାବର୍ତ୍ତନ
ହୋବାର୍ଟ : ବିଜୟ ସହ ଅନ୍ତର୍ଜାତୀୟ ଟେନିସ୍ ଜଗତକୁ ଫେରିଛନ୍ତି ଭାରତୀୟ ମହିଳା ତାରକା ସାନିଆ ମିର୍ଜା । ହୋବାର୍ଟ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟର ମହିଳା ଡବଲ୍ସ ବିଭାଗର ପ୍ରଥମ ରାଉଣ୍ଡରେ ସାନିଆ ଓ ୟୁକ୍ରେନ୍ର ନାଡିଆ କିଚେନକ୍ଙ୍କ ଯୋଡି ଜାପାନର ମିୟୁ କାଟୋ ଓ ଓକ୍ସାନା କାଲାସନିକୋଭାଙ୍କୁ ଏକ ସଂଘର୍ଷପୂର୍ଣ୍ଣ ମ୍ୟାଚ୍ରେ ୨-୬, ୭-୬, ୧୦-୩ ସେଟ୍ରେ ପରାସ୍ତ କରିଥିଲେ। ସୂଚନାଥାଉକି ମାତୃତ୍ବ ଲାଭ ଓ ଆଘାତଜନିତ କାରଣରୁ ଟେନିସ୍ରୁ ଦୂରେଇ ରହିଥିବା ସାନିଆ ଦୁଇବର୍ଷ ପରେ ପ୍ରଥମ ମ୍ୟାଚ୍ ଖେଳି ବିଜୟୀ ହୋଇଛନ୍ତି।
ଦ୍ବିତୀୟ ରାଉଣ୍ଡରେ ସାନିଆ-କିଚେନକ୍ଙ୍କୁ ମୁକାବିଲା ଆମେରିକାର ଭାନିଆ କିଙ୍ଗ୍ ଓ ଖ୍ରୀଷ୍ଟିନା ମ୍ୟାହାଲେଙ୍କ ସହ ହେବ। ପାକିସ୍ତାନ କ୍ରିକେଟର୍ ସୋଏବ ମଲିକଙ୍କୁ ବିବାହ କରିଥିବା ସାନିଆ ପ୍ରତ୍ୟାବର୍ତ୍ତନ ମ୍ୟାଚ୍ ଜିତିବା ପରେ ଟ୍ବିଟ୍ କରି ଖୁସି ବ୍ୟକ୍ତ କରିଛନ୍ତି । ସେ ଦର୍ଶାଇଛନ୍ତି ଏହା ତାଙ୍କ ଜୀବନର ଅନ୍ୟତମ ସ୍ବତନ୍ତ୍ର ଦିନ ଅଟେ। ଦୀର୍ଘ ୨ ବର୍ଷ ପରେ ଟେନିସ୍ କୋର୍ଟକୁ ଫେରିଥିବା ବେଳେ ସାଥୀରେ ତାଙ୍କର ପିତାମାତା ଓ ଛୋଟ ପୁଅ ଥିଲା। ଆଗାମୀ ଦିନରେ ଅଧିକରୁ ଅଧିକ ମ୍ୟାଚ୍ରେ ଜିତିବାକୁ ସେ ପ୍ରୟାସ କରିବେ। ସାନିଆ ୨୦୧୭ ଅକ୍ଟୋବରରେ ଶେଷ ମ୍ୟାଚ୍ ଖେଳିଥିଲେ।
Comments are closed.