ନୂଆଦିଲ୍ଲୀ : ହିମାଳୟ ବରଫାଞ୍ଚଳରେ ବହୁ ମୁନୀଋଷି ଓ ଯୋଗୀ ତପସ୍ୟା କରୁଥିବା ଶୁଣାଯାଏ। ଶହ ଶହ ବର୍ଷ ଧରି ଏଠାରେ ସେମାନେ ତପସ୍ୟାରେ ମଗ୍ନ ରହୁଥିବା ଲୋକକଥାରୁ ଜଣାଯାଇଛି। ଏଭଳି ଯୋଗୀଙ୍କୁ କେବେ କେହି ଦେଖି ନଥିଲେ ମଧ୍ୟ ସମସ୍ତଙ୍କ ବିଶ୍ବାସ ହିମାଳୟରେ କୋଟି କୋଟି ବର୍ଷ ତଳୁ ମୁନିଋଷି ତପସ୍ୟା କରୁଛନ୍ତି। ତେବେ ନିକଟରେ ଏକ ଭିଡିଓ ସୋସିଆଲ୍ ମିଡ଼ିୟାରେ ଭାଇରାଲ୍ ହୋଇଛି। ଏହି ଭିଡ଼ିଓରେ ଜଣେ ଯୋଗୀ ଖୋଲା ଦେହରେ କେବଳ କଉପୁନିଟିଏ ପିନ୍ଧି ତପସ୍ୟା କରୁଛନ୍ତି। ବିଯୁକ୍ତ ୨୦ ଡିଗ୍ରୀ ତାପମାତ୍ରାରେ ମଧ୍ୟ ଜଣେ ଖାଲି ଦେହରେ ରହି ପାରିବ ଏ କଥା ସହଜରେ ବିଶ୍ବାସ କରି ହେଉନାହିଁ। ଯୋଗୀଙ୍କ ସହିତ ଗୋଟିଏ କୁକୁର ମଧ୍ୟ ରହିଛି। ଏହି ସ୍ଥାନରେ ଜଣେ ସୈନିକଙ୍କୁ ଦେଖିବାକୁ ମିଳୁଛି, ଯିଏ ଯୋଗୀଙ୍କ ଭିଡିଓ ସୁଟ୍ କରୁଛନ୍ତି ଏବଂ ଯୋଗୀଙ୍କୁ ଦେଖିବା ପରେ ଜୟ ଶ୍ରୀରାମ କହୁଛନ୍ତି। ତେବେ ଏହି ଯୋଗୀ କେଉଁଠି ରହୁଛନ୍ତି, ତାଙ୍କର କିଛି ସ୍ବତନ୍ତ୍ର ଗୁମ୍ଫା ରହିଛି କି ଓ ସେ କ’ଣ ଖିଆପିଆ କରନ୍ତି ଏଭଳି ଅନେକ ଅସମାହିତ ପ୍ରଶ୍ନ ରହସ୍ୟମୟ ହୋଇ ରହିଛି।
Comments are closed.