ଦୁଇ ଦିନ ହାଇକୋର୍ଟ ବନ୍ଦ

କଟକ : କରୋନା ସଂକ୍ରମିତ ସଂଖ୍ୟା ବଢିବାରୁ ଦୁଇ ଦିନ ପାଇଁ ହାଇକୋର୍ଟ ବନ୍ଦ ରହିବ। ହାଇକୋର୍ଟ ଆସନ୍ତା ସେପ୍ଟେମ୍ବର ୨୧ ଓ ୨୨ ତାରିଖ ଦିନ ବନ୍ଦ୍ ରହିବ। ଏ ନେଇ ହାଇକୋର୍ଟ ରେଜିଷ୍ଟ୍ରି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ହାଇକୋର୍ଟର କେତେକ ବିଭାଗରେ କରୋନା ରୋଗୀଙ୍କ ସଂଖ୍ୟା ବଢିଥିବାରୁ ଏପରି ନିଷ୍ପତ୍ତି ନିଆଯାଇଛି। ଏହି ଛୁଟି ଦିନରେ ହାଇକୋର୍ଟ ପରିସରକୁ ବିଶୋଧନ କରିବାକୁ ନିର୍ଦ୍ଦେଶ ଦିଆଯାଇଛି। ୨୧ ତାରିଖ ପାଇଁ ପ୍ରକାଶିତ କଜ୍ ଲିଷ୍ଟରେ ତାଲିକାଭୁକ୍ତ ମାମଲା ଗୁଡ଼ିକ ୨୩ ତାରିଖ ଦିନ ଶୁଣାଣି ହେବ। ୨୨, ୨୩, ୨୪, ୨୫ ତାରିଖ ପାଇଁ ପ୍ରକାଶିତ ରିଜର୍ଭ ଲିଷ୍ଟର ଜାମିନ ଆବେଦନ ଗୁଡ଼ିକ ଯଥାକ୍ରମେ ଆସନ୍ତା ୨୪, ୨୫, ୨୮ ଓ ୨୯ ତାରିଖ ଦିନ ଶୁଣାଣି କରାଯିବ ବୋଲି ବିଜ୍ଞପ୍ତିରେ ସ୍ପଷ୍ଟ କରାଯାଇଛି।

Comments
Loading...