‘ନ୍ୟାୟ’ ପାଇଁ କଂଗ୍ରେସକୁ ନୋଟିସ; ଏହା କ’ଣ ମତଦାତାଙ୍କୁ ଲାଞ୍ଚ ନୁହେଁ ବୋଲି ପ୍ରଶ୍ନ କଲେ ଆହ୍ଲାବାଦ ହାଇକୋର୍ଟ

ପ୍ରୟାଗରାଜ: ଲୋକସଭା ନିର୍ବାଚନକୁ ଦୃଷ୍ଟିରେ ରଖି କଂଗ୍ରେସ ‘ନ୍ୟାୟ’ ଯୋଜନାରେ ଗରିବଙ୍କୁ ବର୍ଷକୁ ୭୨ ହଜାର ଟଙ୍କା ଦିଆଯିବ ବୋଲି ଇସ୍ତାହାରରେ କରିଥିବା ଘୋଷଣା ଉପରେ ଆଲାହାବାଦ ହାଇକୋର୍ଟ ନୋଟିସ ଜାରି କରିଛନ୍ତି। ଏହା କ’ଣ ଲାଞ୍ଚ ନୁହେଁ ? ଏହି ଘୋଷଣା ମତଦାତାଙ୍କୁ ଲାଞ୍ଚ ଦେବା ଶ୍ରେଣୀରେ କାହିଁକି ନ ଆସିବ ବୋଲି ହାଇକୋର୍ଟ ଦଳକୁ ପ୍ରଶ୍ନ କରିଛନ୍ତି। ଏଥିସହ ଦଳ ଉପରେ କାହିଁକି ନିଷେଧାଜ୍ଞା କିମ୍ବା ଅନ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ। ହାଇକୋର୍ଟ ଏହି ମାମଲାରେ ନିର୍ବାଚନ ଆୟୋଗଙ୍କୁ ମଧ୍ୟ ଜବାବ ମାଗିଛନ୍ତି। ଦୁଇ ସପ୍ତାହ ମଧ୍ୟରେ ନିଜ ପକ୍ଷ ରଖିବାକୁ କୋର୍ଟ କଂଗ୍ରେସ ଏବଂ ନିର୍ବାଚନ ଆୟୋଗଙ୍କୁ ସମୟ ଦେଇଛନ୍ତି। ବିଚାରପତି ସୁଧୀର ଅଗ୍ରୱାଲ ଏବଂ ରାଜେନ୍ଦ୍ର କୁମାରଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି କରିଥିଲେ।

ତେବେ ଏଭଳି ଘୋଷଣା ଯୋଗୁ ଲାଞ୍ଚ ଦେବା ନେବା ବୃଦ୍ଧି ପାଇଥାଏ ଏବଂ ମତଦାତାଙ୍କୁ ପ୍ରଭାବିତ କରିବାକୁ ଏପରି ଯୋଜନା କରାଯାଉଛି ବୋଲି ଶୁଣାଣି ବେଳେ ଆଡ୍‌ଭୋକେଟ ମୋହିତ କୁମାର ଯୁକ୍ତି ବାଢ଼ିଥିଲେ।