ପାକିସ୍ଥାନରୁ ଆମଦାନୀ ୧୯୧ କିଲୋ ହିରୋଇନ ମୁମ୍ବାଇରୁ ଜବତ, ମୂଲ୍ୟ ୧୦୦୦ କୋଟି ଟଙ୍କା

ମୁମ୍ବାଇ: ରାଜସ୍ବ ଗୁଇନ୍ଦା ନିର୍ଦେଶାଳୟ (ଡ଼ିଆରଆଇ) ମୁମ୍ବାଇରୁ ଜବତ କରିଛି ୧୯୧ କିଲୋ ହିରୋଇନ । ଆନ୍ତର୍ଜାତିକ ବଜାରରେ ଏହାର ମୂଲ୍ୟ ପ୍ରାୟ ୧ହଜାର କୋଟି ଟଙ୍କା ହେବ । ଡ଼ିଆରଆଇର ଜଣେ ଅଧିକାରୀଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ ନବୀ ମୁମ୍ବାଇର ନୱା ସେବା ପୋର୍ଟରୁ ଜବତ ଏହି ସାମଗ୍ରୀ ଆଫଗାନୀସ୍ଥାନରୁ ପାକିସ୍ଥାନ ଓ ପାକିସ୍ଥାନରୁ ସମୁଦ୍ର ରାସ୍ତାରେ ମୁମ୍ବାଇରେ ପହଞ୍ଚଛି । ବର୍ହିଃଶୁଳ୍କ ଓ ଡ଼ିଆରଆଇ ଅଧିକାରୀଙ୍କ ମିଳିତ ପ୍ରଚେଷ୍ଟାରେ ଏହି ସଫଳତା ମିଳିଛି । ବର୍ତମାନ ସୁଦ୍ଧା ଏହି ଘଟଣାରେ ୨ ଜଣଙ୍କୁ ଗିରଫ କରାଯାଇଛି ।

ଡ଼ିଆରଆଇ ସୂତ୍ରରୁ ମିଳିଥିବା ସୂଚନା ଅନୁସାରେ ନିଶା ମାଫିାଆମାନେ ଏହି ଡ଼୍ରଗ୍ସକୁ ପ୍ଲାଷ୍ଟିକ୍ ପାଇପ୍ ମଧ୍ୟରେ ଲୁଚାଇ ଆଣିଥିଲେ । ପ୍ଲାଷ୍ଟିକ ପାଇପଗୁଡ଼ିକୁ ବାଉଁଶ ପରି ରଙ୍ଗ ଦିଆଯାଇଥିଲା ଓ ଏହାକୁ ଆୟୁର୍ବେଦୀୟ ଔଷଧ ବୋଲି କୁହାଯାଇଥିଲା । ଏହି ଘଟଣାରେ ଆମଦାନୀ କାଗଜପତ୍ର ପ୍ରସ୍ତୁତ କରିଥିବା ଦୁଇ କଷ୍ଟମ ହାଉସର ଏଜେଣ୍ଟଙ୍କୁ ଗିରଫ କରାଯାଇଛି । ଏହି ଘଟଣା ପଛରେ ଢ଼େର ଲୋକଙ୍କର ସମ୍ପର୍କ ରହିଛି । ଏହା ସହ ଯେଉଁ କଣ୍ଟେନରରେ ଏହି ଡ଼୍ରଗ୍ସ ଅଣା ଯାଇଥିଲା ତାହାର ମାଲିକଙ୍କୁ ମଧ୍ୟ ଜେରା କରାଯାଉଛି । ସୂଚନାଯୋଗ୍ୟ ଯେ  କିଛିଦିନ ତଳେ ଏନଆଇଏ ଗୁଜରାଟ ନିକଟରୁ ପ୍ରାୟ ୫୦୦ କୋଯି ଟଙ୍କାର ହିରୋଇନ  କାରବାରରେ ପାକିସ୍ଥାନ ଓ ଦୁବାଇର ୮ ଜଣଙ୍କୁ ଗିରଫ କରିଥିଲା ।

Comments
Loading...