ଜୁନ୍ ୧୬ ଗୋରୁ ଗାଡି ହେଲପର ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଗିରଫ

ବାଲେଶ୍ୱର: ଶେରଗଡ ଗୋରୁଗାଡି ଆକ୍ରମଣ ଘଟଣାର ମୁଖ୍ୟ ଅଭିଯୁକ୍ତ ଗିରଫ ହୋଇଛି। ଗିରଫ ଅଭିଯୁକ୍ତ ହେଲେ ସୋମନାଥପୁରର ଦିପୁ ଓରଫ୍ କରୁଣାକର।

ଗୋସେବା କେନ୍ଦ୍ରର କର୍ମକର୍ତାଙ୍କ ଢେଲା ମାଡରେ ଭଦ୍ରକ ଜିଲା କଣ୍ଟାବଣିଆ ଅଞ୍ଚଳର ଗୋରୁ ଗାଡି ହେଲପର ସେକ ଶାହାରୁଖଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା। ଗୋରୁଗାଡି ଅଟକାଇବାକୁ ପ୍ରଥମେ ଢେଲା ମାରିଥିବା ବେଳେ ଗୋଟିଏ ଢେଲା ଶାହାରୁଖଙ୍କ କାନମୁଣ୍ତରେ ବାଜିଥିଲା । ସେ ଚେତାଶୂନ୍ୟ ହୋଇଯିବା ପରେ ତାଙ୍କୁ ପ୍ରଥମେ ସୋର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଡାକ୍ତର ସେଠାରୁ ତାଙ୍କୁ କଟକ ସ୍ଥାନାନ୍ତର କରିଥିଲା ବେଳେ ରାସ୍ତାରେ ତାଙ୍କର ମୃତ୍ୟୁ ହୋଇଥିଲା । ଭଦ୍ରକ ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣା ପରେ କଣ୍ଟେନରର ଡ୍ରାଇଭର ଫୋନ ଯୋଗେ ନିଜ ସହଯୋଗୀଙ୍କୁ ଡାକିବା ପରେ ଗୋସେବା କେନ୍ଦ୍ରର ସଦସ୍ୟଙ୍କୁ ସଂଘବଦ୍ଧ ଆକ୍ରମଣ କରିଥିଲେ ।

 

Comments
Loading...