ଶିବ ପଢିବେ ଯୁକ୍ତ ୩ ବିଜ୍ଞାନ, ସହଯୋଗର ହାତ ବଢ଼ାଇଲେ କାଲିମେଳା ତହସିଲଦାର

କାଲିମେଳା: ଭବିଷ୍ୟତରେ ଡାକ୍ତର ହେବାକୁ ଲକ୍ଷ୍ୟ ରଖିଥିବା ଜଣେ ମେଧାବୀ ଛାତ୍ରଙ୍କୁ ଯୁକ୍ତ ୩ ବିଜ୍ଞାନ ପଢିବା ପାଇଁ ଆର୍ଥିକ ସହଯୋଗ ଯୋଗାଇ ଦେଇଛନ୍ତି କାଲିମେଳା ତହସିଲଦାର ଆଲୋକ କୁମାର ଅନୁଗୁଳିଆ। ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ଅନ୍ତର୍ଗତ ଓର୍କେଲ ଗ୍ରାମର ନଣ୍ଡା ହରିଜନଙ୍କ ପୁଅ ଶିବ ହରିଜନ ଚଳିତ ବର୍ଷ ବାଲିମେଳା କଲେଜରୁ +୨ ବିଜ୍ଞାନରେ ୮୦ପ୍ରତିଶତ ମାର୍କ ରଖି ପାସ କରିଛନ୍ତି। ସେ ଉଚ୍ଚ ଶିକ୍ଷା ପାଇଁ ଲକ୍ଷ୍ୟ ରଖିଥିଲେ ମଧ୍ୟ ଆର୍ଥିକ ଅବସ୍ଥା ସ୍ୱଚ୍ଛଳ ନ ଥିବାରୁ ସେ ଅର୍ଥ ଯୋଗାଡ କରିପାରୁନାହାନ୍ତି। ତାଙ୍କ ବାପା ଦିନ ମଜୁରିଆ ଭାବେ କାମ କରନ୍ତି।

ଏ ସମ୍ପର୍କରେ ମାଲକାନଗିରିର ସମାଜସେବୀ ସନ୍ତୋଷ କୁମାର ଖେମୁଡୁ ଜାଣିବା ପରେ ସେ ଶିବଙ୍କୁ ନେଇ କାଲିମେଳା ତହସିଲଦାର ଆଲୋକ କୁମାର ଅନୁଗୁଳିଆଙ୍କ ପାଖରେ ପହଂଚିଥିଲେ। କାଲିମେଳା ତହସିଲଦାର ଶିବଙ୍କୁ ଉଚ୍ଚ ଶିକ୍ଷା ପାଇଁ +୩ ବିଜ୍ଞାନରେ ନାମ ଲେଖାଇବା ପାଇଁ ଆର୍ଥିକ ସହାୟତା ପ୍ରଦାନ କରିବା ସହ ତାଙ୍କର ତାଙ୍କର ସମସ୍ତ ପଢିବା ଖର୍ଚ୍ଚ ବହନ କରିବେ ବୋଲି କହିବା ସହ ତାର ଉଜ୍ୱଳ ଭବିଷ୍ୟତ କାମନା କରିଛନ୍ତି।

Comments
Loading...