ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବ ଏହି ସୁପ୍, ଖାଦ୍ୟରେ କରନ୍ତୁ ସାମିଲ

ଆପଣ ହୁଏତ ଅନେକ ପ୍ରକାରର ସୁପ୍ ତିଆରି କରିଥିବେ, କିନ୍ତୁ ଆଜି ଆମେ ଆପଣଙ୍କୁ ରସୁଣ-ଟମାଟୋ ସୁପ୍ ରସିପି କହିବାକୁ ଯାଉଛୁ ଯାହା ରୋଗ ପ୍ରତିରୋଧକ ଶକ୍ତି ବୃଦ୍ଧି କରାଇବାରେ ସାହାଯ୍ୟ ହେବ।

ଆବଶ୍ୟକୀୟ ସାମଗ୍ରୀ : ୧୦ଟି ରସୁଣ (କଟା), ୪ ଟମାଟୋ (କଟା), ୨ କପ୍ ପନିପରିବା ସିଝା ପାଣି ବା ଭେଜିଟେବୁଲ ଜୁସ୍, ୨ ପିଆଜ (କଟା), ୧ କପ୍ ଟମାଟୋ ସସ୍,  ୧/୪ ଚାମଚ ଗୋଲମରିଚ ପାଉଡର, ଅଧା ଚାମଚ ଚିନି, ୧ ଚାମଚ ବଟର, ୧ ଚାମଚ ତେଲ, ଲୁଣ ସ୍ୱାଦ ଅନୁସାରେ।

ପ୍ରସ୍ତୁତ ପ୍ରଣାଳୀ : ସର୍ବପ୍ରଥମେ, ଏକ ପ୍ୟାନରେ ତେଲ ନେଇ ଗରମ କରନ୍ତୁ। ତେଲ ଗରମ ହୋଇଗଲେ ପିଆଜ ଏବଂ ରସୁଣ ପକାଇ ହାଲୁକା ଭାଜନ୍ତୁ। ଏହା ପରେ ଟମାଟୋ ମିଶାନ୍ତୁ ଏବଂ ନରମ ହେବା ପର୍ଯ୍ୟନ୍ତ ଭାଜନ୍ତୁ। ବର୍ତ୍ତମାନ ପନିପରିବା ସିଝା ପାଣି ବା ଭେଜିଟେବୁଲ ଜୁସ୍, ଟମାଟୋ ସସ୍, ଗୋଲମରିଚ ପାଉଡର, ଲୁଣ ଏବଂ ଚିନି ମିଶାଇ ୧୫ ମିନିଟ୍ ପାଇଁ ରାନ୍ଧନ୍ତୁ। ନିର୍ଦ୍ଧାରିତ ସମୟ ପରେ, ଏକ ପାତ୍ରରେ ସୁପ୍ ବାହାର କରି ଆଣନ୍ତୁ। ପ୍ରସ୍ତୁତ ହୋଇଗଲା ରସୁଣ-ଟମାଟୋ ସୁପ୍। ଉପରେ ବଟର ଓ କଟା ଧନିଆ ପତ୍ର ପକାଇ ପରଷନ୍ତୁ।

Comments are closed.