ଥଣ୍ଡା ଜନିତ ସମସ୍ୟା ପାଇଁ ଚିନ୍ତିତ କି ? ଏହି ଦିଗ ପ୍ରତି ଧ୍ୟାନ ଦିଅନ୍ତୁ

ବହୁ ଲୋକଙ୍କୁ ଅଧିକାଂଶ ସମୟରେ ଥଣ୍ଡା, କାଶ ଲାଗି ରହିଥାଏ। ସେହି ସମୟରେ କୌଣସି କାମରେ ମନ ନଲାଗିବା ସହ ଖାଦ୍ୟ ମଧ୍ୟ ଅରୁଚିକର ଲାଗେ। ଥଣ୍ଡା ସମୟରେ କେଉଁ ଖାଦ୍ୟ ଖାଇବା ଦ୍ୱାରା ଶରୀରକୁ ଆରମ ମିଳିବା ସହ ଶୀଘ୍ର ଥଣ୍ଡାକାଶ ଭଲ ହୋଇଥାଏ। ସେ ବିଷୟରେ ଜାଣନ୍ତୁ….
ମହୁ ଓ ଗୋଲମରିଚ –
ଏକ ଚାମଚ ମହୁରେ ଅଳ୍ପ ଗୋଲମରିଚ ମିଶାଇ ଥଣ୍ଡା ହୋଇଥିବା ସମୟରେ ରାତିରେ ଖାଆନ୍ତୁ। ଏପରି କରିବା ଦ୍ୱାରା ଗଳା ଯନ୍ତ୍ରଣା ଦୂର ହେବା ସହ ଥଣ୍ଡାରୁ ମଧ୍ୟ ମୁକ୍ତି ମିଳିଥାଏ।
ଗରମ ପାଣିର ବ୍ୟବହାର –
ଥଣ୍ଡା ହେବା ସମୟରେ ଉଷୁମ ପାଣି ପିଇବା ସହ ୨ ରୁ ୩ ଥର ଉଷୁମ ପାଣିରେ ଗାରଗେଲ୍‍ କରନ୍ତୁ।
ରସୁଣ –
ଥଣ୍ଡା ହୋଇଥିବା ସମୟରେ ନିୟମିତ ଖାଦ୍ୟ ଖାଇବା ସମୟରେ ରସୁଣ ଖାଆନ୍ତୁ। ଏପରି କରିବା ଦ୍ୱାରା ଶୀଘ୍ର ଥଣ୍ଡାରୁ ମୁକ୍ତି ମିଳିଥାଏ।
ସୋରିଷ ତେଲର ମାଲିସ –
ସୋରିଷ ତେଲରେ ଅଳ୍ପ ରସୁଣ ପକାଇ ଏହାକୁ ଶରୀରରେ ମାଲିସ କରନ୍ତୁ। ଏପରି କରିବା ଦ୍ୱାରା ଥଣ୍ଡା ଜନିତ ସମସ୍ୟା ଦୂର ହୋଇଥାଏ।
ଉଷ୍ଣ ଖାଦ୍ୟ ଖାଆନ୍ତୁ –
ଯେଉଁ କୌଣସି ଖାଦ୍ୟକୁ ହାଲକା ଉଷ୍ଣ ଅବସ୍ଥାରେ ଖାଆନ୍ତୁ। ଏପରି କରିବା ଦ୍ୱାରା ଗଳାକୁ ଆରାମ ମିଳିବା ସହ ଥଣ୍ଡା ମଧ୍ୟ ଶୀଘ୍ର ଭଲ ହୋଇଥାଏ।
କ୍ଷୀର –
ସାଧାରଣ ଭାବେ ଥଣ୍ଡା ହୋଇଥିବା ସମୟରେ କ୍ଷୀର ପିଇବାକୁ ମନାକରାଯାଏ। କାରଣ କ୍ଷୀର ପିଇବା ଦ୍ୱାରା କଫ ହୋଇଥାଏ। ଏଭଳି ସମୟରେ କ୍ଷୀରରେ ଅଦା ପକାଇ ପିଇ ପାରିବେ।

Comments are closed.