କରୋନା ସଂକ୍ରମଣ : ମୁକାବିଲାର ପ୍ରସ୍ତୁତି ଓ ସ୍ଥିତାବସ୍ଥା ନେଇ ସମୀକ୍ଷା କଲେ ସ୍ୱାସ୍ଥ୍ୟମନ୍ତ୍ରୀ

ନୂଆଦିଲ୍ଲୀ : କରୋନା ଭୂତାଣୁ ସଂକ୍ରମଣ ପରିପ୍ରେକ୍ଷୀରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡ଼ିକ ଦ୍ୱାରା ଏହାର ମୁକାବିଲା ପାଇଁ କରିଥିବା ପ୍ରସ୍ତୁତି ଓ ନେଇଥିବା ପଦକ୍ଷେପର ସ୍ଥିତାବସ୍ଥାକୁ ସମୀକ୍ଷା କରିଛନ୍ତି। ଦିନରାତି ୨୪ଘଣ୍ଟା ହେଲ୍‍ପ ଲାଇନ୍‍ ଖୋଲା ରଖିବା ପାଇଁ ସେ କର୍ମକର୍ତ୍ତାମାନଙ୍କୁ କହିଛନ୍ତି। ଏଥିପାଇଁ ସ୍ଥାପନ କରାଯାଇଥିବା ହେଲ୍‍ପ ଲାଇନ୍‍ ନମ୍ବର ହେଉଛି ୦୧୧-୨୩୯୭୮୦୪୬। ଅନ୍ୟପକ୍ଷରେ ଡକ୍ଟର ହର୍ଷବର୍ଦ୍ଧନଙ୍କୁ ଦେଶୀୟ ଓ ଆନ୍ତର୍ଜାତିକ ସ୍ତରରେ ସ୍ଥିତାବସ୍ଥା ବିଷୟରେ ଅବଗତ କରାଯାଇଛି।

କୋବିଡ-୧୯ ସଂକ୍ରମଣର ବ୍ୟାପକତାକୁ ରୋକିବା ପାଇଁ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ନିଆଯାଉଥିବା ପଦକ୍ଷେପକୁ ପ୍ରଶଂସା କରିବା ସହିତ ଭାରତ ସରକାର ଏବଂ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶ ପକ୍ଷରୁ ପ୍ରସ୍ତୁତି ଓ ନେଇଥିବା ପଦକ୍ଷେପକୁ ମଧ୍ୟ ପ୍ରଶଂସା କରିଛନ୍ତି। ବିଭିନ୍ନ ହାସ୍ପାତାଳ ଓ ଏହାର ଆଖପାଖ ଅଞ୍ଚଳର ପରିବେଶକୁ ସ୍ବାସ୍ଥ୍ୟକର ଏବଂ ପରିସ୍କାର ପରିଚ୍ଛନ୍ନ ରଖିବା ସହିତ କୋବିଡ-୧୯ ପରିଚାଳନା ପାଇଁ ପ୍ରୋଟୋକଲ ପାଳନ କରିବାକୁ ଡକ୍ଟର ହର୍ଷବର୍ଦ୍ଧନ ପରାମର୍ଶ ଦେଇଛନ୍ତି।

 

Comments
Loading...