ହସ୍ତରେଖା ଶାସ୍ତ୍ର ଅନୁସାରେ ହାତର ପାପୁଲିରେ କିଛି ବିଶେଷ ଚିହ୍ନ ରହିଥାଏ। ଯାହାଦ୍ୱାରା ମନୁଷ୍ୟର ଭବିଷ୍ୟତ ସମ୍ବନ୍ଧରେ ଜାଣି ହୋଇଥାଏ। ଏହି ସମସ୍ତ ଚିହ୍ନ ଦ୍ୱାରା ଭଲ ଓ ଖରାପ ଉଭୟ ବିଷୟରେ ସଙ୍କେତ ଦେଇଥାଏ। ହସ୍ତରେଖାରେ ବିଶେଷ କରି ମହିଳାମାନଙ୍କ ହାତ ପାପୁଲିରେ ଥିବା ଚିହ୍ନକୁ ବିଶେଷ ଧ୍ୟାନ ଦିଆଯାଇଥାଏ। ଭାଗ୍ୟଶାଳୀ ମହିଳାମାନଙ୍କ ପାପୁଲିରେ କିଛି ଶୁଭ ଚିହ୍ନ ରହିଥାଏ। ଯାହାର ପ୍ରଭାବରେ ଧନ ଲାଭ, ସୁଖ ଓ ସମ୍ପତ୍ତି ପ୍ରାପ୍ତି ହୋଇଥାଏ। ଏପରି ଚିହ୍ନ ବହୁତ କମ୍ ମହିଳାମାନଙ୍କ ହାତ ପାପୁଲିରେ ରହିଥାଏ।
ଆସନ୍ତୁ ଜାଣିବା ଭାଗ୍ୟଶାଳୀ ମହିଳାମାନଙ୍କ ହାତ ପାପୁଲିରେ କିପରି ଚିହ୍ନ ରହିଥାଏ ..
କୌଣସି ସ୍ତ୍ରୀ ଲୋକଙ୍କ ହାତ ପାପୁଲିରେ ପଦ୍ମ କିମ୍ବା ମାଛ ପରି ଚିହ୍ନ ରହିଥାଏ ତେବେ, ତାଙ୍କୁ ଜୀବନରେ ସମସ୍ତ ସୁଖ ଓ ସୁବିଧା ମିଳିଥାଏ।
ଯଦି କୌଣସି ସ୍ତ୍ରୀ ଲୋକଙ୍କ ପାପୁଲିରେ ରଥ ପରି ଚିହ୍ନ ରହିଥାଏ ତେବେ ତାଙ୍କ ଜୀବନସାଥି ଜଣେ ଉଚ୍ଚ ପଦାଧିକାରୀ ହୋଇଥାନ୍ତି।
ମହିଳାଙ୍କ ଡାହାଣ ପାପୁଲିରେ ତରାଜୁ ଏବଂ ବାମ ହାତରେ ହାତୀର ଚିହ୍ନ ରହିଥାଏ ତେବେ ତାଙ୍କ ଜୀବନସାଥି ଜଣେ ବଡ ବ୍ୟବସାୟୀ ହୋଇଥାନ୍ତି।
ଯେକୌଣସି ସ୍ତ୍ରୀଙ୍କ ପାପୁଲିରେ ଶଙ୍ଖ, ଚକ୍ର କିମ୍ବା ପଦ୍ମ ଚିହ୍ମ ରହିଥାଏ ତେବେ ତାଙ୍କ ପୁତ୍ର ଜଣେ ଉଚ୍ଚ ପଦାଧିକାରୀ ହୋଇଥାନ୍ତି। ଏବଂ ପୁତ୍ରକୁ ଜୀବନରେ ସମସ୍ତ ସୁଖ ଓ ସୁବିଧା ମିଳିଥାଏ।
ଯେଉଁ ମହିଳାଙ୍କ ପାପୁଲିରେ ଗୋଲାପ କିମ୍ବା ସ୍ୱସ୍ତିକ ଚିହ୍ନ ରହିଥାଏ ତାଙ୍କର କେବେ ବି ଟଙ୍କାପଇସାର ଅଭାବ ରହି ନଥାଏ।
ଯେଉଁ ସ୍ତ୍ରୀଙ୍କ ହାତର ପାପୁଲିରେ ତ୍ରିଭୁଜ କିମ୍ବା ଧନୁତୀର ପରି ଚିହ୍ନ ରହିଥାଏ ସେ ଅତ୍ୟନ୍ତ ଭାଗ୍ୟଶାଳୀ ହୋଇଥାନ୍ତି। ଏପରି ମହିଳାଙ୍କୁ ଜୀବନରେ ସମସ୍ତ ସୁଖ ପ୍ରାପ୍ତି ହୋଇଥାଏ।
