କ୍ରିକେଟ ଗ୍ରାଉଣ୍ଡ ପରେ ଏବେ ପରଦାରେ ନଜର ଆସିବେ ହରଭଜନ; ସାମ୍ନାକୁ ଆସିଲା ଫିଲ୍ମର ପୋଷ୍ଟର

ମୁମ୍ବଇ: କ୍ରୀଡ଼ା କ୍ଷେତ୍ରରେ ଅଦମ୍ୟ ସଫଳତା ହାସଲ କରିବା ପରେ ଏବେ ଅଭିନୟ କ୍ଷେତ୍ରକୁ ଓହ୍ଲାଇଛନ୍ତି ଲୋକପ୍ରିୟ ଭାରତୀୟ କ୍ରିକେଟର୍‍ ହରଭଜନ ସିଂହ। ସାମାଜିକ ଗଣମାଧ୍ୟମରେ ହରଭଜନ ତାଙ୍କ ଅଭିନୀତ ପ୍ରଥମ ଫିଲ୍ମର ପୋଷ୍ଟର ଶେୟାର କରିଛନ୍ତି। ଏହା ଏକ ତାମିଲ ଚଳଚ୍ଚିତ୍ର ଓ ଏହାର ନାଁ ରହିଛି ‘ଫ୍ରେଣ୍ଡସିପ୍‍’।

ଏହି ପୋଷ୍ଟରରେ ସାଉଥ ସୁପରଷ୍ଟାର ଅର୍ଜୁନଙ୍କ ସହ ହରଭଜନ ନଜର ଆସିଛନ୍ତି। ହରଭଜନଙ୍କ ଏହି ପ୍ରଥମ ଫିଲ୍ମରେ ଜନ ପଲ ରାଜ ଏବଂ ଶ୍ୟାମ ସୂର୍ୟ୍ୟା ନିର୍ଦେଶନା ଦେଇଛନ୍ତି। ଚଳିତ ବର୍ଷ ଅଗଷ୍ଟ ମାସରେ ଏହା ମୁକ୍ତିଲାଭ କରିବ। ରିଲିଜ ହୋଇଥିବା ପୋଷ୍ଟରରେ ହରଭଜନ କିଛି ଭାବୁଥିବା କିମ୍ବା କାହାର କଥା ଶୁଣୁଥିବାର ନଜର ଆସୁଥିବା ବେଳେ ଅନ୍ୟପଟେ ଆକ୍ସନ କିଙ୍ଗ ଅର୍ଜୁନ ଆଗ୍ରେସିଭ୍‍ ଲୁକରେ ନଜର ଆସିଛନ୍ତି।

 

View this post on Instagram

 

#friendshipmovie 🎥😎

A post shared by Harbhajan Turbanator Singh (@harbhajan3) on

ସୂଚନା ମୁତାବକ, ହରଭଜନ ଟିମ ଇଣ୍ଡିଆ ପାଇଁ ୨୦୧୬ ମସିହାରେ ଶେଷ ଥର ପାଇଁ ଅନ୍ତରାଷ୍ଟ୍ରୀୟ ଟି୨୦ ମ୍ୟାଚ ଖେଳିଥିଲେ। ଗତ ୪ବର୍ଷ ହେବ ସେ ଭାରତୀୟ କ୍ରିକେଟ ପାଇଁ କୌଣସି ବି ସିରିଜ ଏବଂ ମ୍ୟାଚ ଖେଳିନାହାନ୍ତି। ଟିମ୍‍ ଇଣ୍ଡିଆ ପକ୍ଷରୁ ହରଭଜନ ମ୍ୟାଚ୍‍ ଖେଳୁ ନ ଥିଲେ ମଧ୍ୟ ଆଇପିଏଲରେ ଚେନ୍ନଇ ସୁପର୍‍ କିଙ୍ଗ୍‍ସ(ସିଏସକେ) ପାଇଁ ସେ ଖେଳି ଆସୁଛନ୍ତି। କିନ୍ତୁ କରୋନା ମାହାମାରୀ କାରଣରୁ ଚଳିତ ବର୍ଷ ଆଇପିଏଲ ସ୍ଥଗିତ କରାଯାଇଛି।

Comments
Loading...