ଘରେ ଖୁସିର ପ୍ରବେଶ

ସାମାନ୍ୟ କଥାରେ କଳିଝଗଡ଼ା ହେଉଥିଲେ, ଏ ପ୍ରତି ପରିବାର ସଦସ୍ୟ ସଜାଗ ରହିବା ଉଚିତ। ବାସ୍ତୁବିତ୍‌ଙ୍କ ମତରେ ଅନେକ ସମୟରେ ଘରର ଅଭ୍ୟନ୍ତର ପ୍ରତି ଦୃଷ୍ଟି ନ ଦେଇ କେତୋଟି ଭୁଲ୍ ପଦକ୍ଷେପ ନେଇଥାଉ। ଯେପରି, ଘରେ ବିଭିନ୍ନ ଦାମୀ ଆସବାବପତ୍ର ରଖୁ, କିନ୍ତୁ ସେସବୁକୁ ପରିଷ୍କାର କରିବାକୁ ସମୟ ଆମ ପାଖେ ନଥାଏ।
– ସୂର୍ଯ୍ୟକିରଣ ଘର ଭିତରେ ବିଚ୍ଛୁରିତ ହେବା ଜରୁରୀ। ଏହି ରଶ୍ମି ଘର ଭିତରକୁ ପ୍ରବେଶ କଲେ ଅନେକ ନକାରାତ୍ମକ ଶକ୍ତି ଦୂର ହୋଇଥାଏ। ଏଣୁ ସକାଳବେଳା ଘରର ପ୍ରତ୍ୟେକ ଝରକା ଖୋଲି ଦିଅନ୍ତୁ। ୧-୨ଘଣ୍ଟା ପରେ ଝରକା ବନ୍ଦ କରିପାରନ୍ତି।
– ଘର ଭିତରେ ବାହାରପିନ୍ଧା ଜୋତା ପିନ୍ଧି ଆସନ୍ତୁନାହିଁ। ଏହା ସହ ଘର ବାହାରେ ଜୋତା ଷ୍ଟାଣ୍ଡ ରଖିବା ଉଚିତ। ପୂର୍ବେ ଆମେ ଭାରତୀୟ ଏହି ନିୟମକୁ କଡ଼ାକଡ଼ି ଭାବେ ପାଳନ କରୁଥିଲୁ। ଏବେ ଏଥିରେ ବ୍ୟତିକ୍ରମ ହେଉଥିବାର ଦେଖାଯାଇଛି।
– ଘରର କେତୋଟି କୋଣରେ ସନ୍ଧ୍ୟା ପରେ ସୁଗନ୍ଧିତ ମହମବତି ଲଗାନ୍ତୁ। ଏହାର ବାସ୍ନା ଓ ରଙ୍ଗିନ ଶିଖା ଆମ ମାନସିକ ଚାପକୁ ଅନେକାଂଶରେ କମ୍ କରେ।
– ବୈଦ୍ୟୁତିକ ଉପକରଣର ଉପଯୋଗ ଯଥାସମ୍ଭବ କମ୍ କରିବା ସହ ଘରେ ଏହାର ସଂଖ୍ୟା ଆଦୌ ବଢ଼ାନ୍ତୁନାହିଁ। ଏହି ସବୁ ଯନ୍ତ୍ର କାରଣରୁ ମଧ୍ୟ ଆପଣଙ୍କ ମାନସିକ ସ୍ଥିତି ପ୍ରଭାବିତ ହୋଇଥାଏ।