ନୂଆଦିଲ୍ଲୀ: ଆସନ୍ତା ୨୯ ତାରିଖରୁ ବସିବ ସଂସଦର ବଜେଟ ଅଧିବେଶନ । ଆସନ୍ତା ୧ ତାରିଖରେ ଆଗତ ହେବ ଦେଶର ବଜେଟ। ବଜେଟ ପ୍ରସ୍ତୁତି ପରମ୍ପରାରେ ବ୍ରିଫକେଶ ପରମ୍ପରାର ଉଚ୍ଛେଦ କରାଯାଇ ନାଲି କପଡ଼ାରେ ବଜେଟ ଆଣିବା ସତ୍ବେ ଅର୍ଥମନ୍ତ୍ରୀ ନିର୍ମଳା ସୀତାରମଣ ହାଲୱା ଉତ୍ସବକୁ ବନ୍ଦ କରି ନାହାନ୍ତି । ବଜେଟ୍ ପୂର୍ବରୁ ହାଲୱା ଉତ୍ସବ ଆଜି ଅନୁଷ୍ଠିତ ହେବ ।
ଚଳିତ ବର୍ଷ କରୋନା ଯୋଗୁ ସଂସଦ ବୈଠକ ମୌସୁମୀ ଅଧିବେଶନ ପରି ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ । ଗୋଟିଏ ଓଳି ଲୋକସଭା ଅଧିବେଶନ ଚାଲିବ ଓ ଅନ୍ୟ ଓଳି ରାଜ୍ୟସଭା ଅଧିବେଶନ । ସେହିପରି ବଜେଟ ଅଧିବେଶନ ୨୯ ତାରିଖରେ ଅନୁଷ୍ଠିତ ହେଉଥିଲେ ମଧ୍ୟ ୩୦ ତାରିଖରେ ଭରଚ୍ୟୁଆଲ ମାଧ୍ୟମରେ ସର୍ବଦଳୀୟ ବୈଠକ ଅନୁଷ୍ଠିତ ହେବ ।
ଅନୁରୂପ ଭାବରେ ଚଳିତ ବର୍ଷ ସଂସଦର ବଜେଟ୍ ଅଧିବେଶନ ଜାନୁଆରୀ ୨୯ରୁ ରୁ ଆରମ୍ଭ ହୋଇ ଦୁଇ ପର୍ଯ୍ୟାୟରେ ଅନୁଷ୍ଠିତ ହେବ । ପ୍ରଥମ ଭାଗ ଫେବୃଆରୀ ୧୫ ରେ ଶେଷ ହେବ ଏବଂ ଦ୍ୱିତୀୟ ଭାଗ ମାର୍ଚ୍ଚ ୮ ରୁ ଏପ୍ରିଲ ୮ ପର୍ଯ୍ୟନ୍ତ ଚାଲିବ। ସଂସଦର ରାଜ୍ୟସଭା ଗୃହ ସକାଳେ ଏବଂ ଲୋକସଭା ଅଧିବେଶନ ସନ୍ଧ୍ୟାରେ ହେବ ।
Comments are closed.