କେଶ ଝଡିବା ସମସ୍ୟାରୁ ମୁକ୍ତି ପାଇଁ ଭୋଜନରେ ସାମିଲ କରନ୍ତୁ ଏହି ଖାଦ୍ୟ

କେଶ ଝଡିବା ସମସ୍ୟାରୁ ମୁକ୍ତି ପାଇଁ ଲୋକେ ବିଭିନ୍ନ ପ୍ରକାର ଉପାୟ ଆପଣାଉଛନ୍ତି । ବଜାରରେ ମିଳୁଥିବା ତେଲ ଓ ଶାମ୍ପୁର ବ୍ୟବହାର କରୁଛନ୍ତି । କେହି କେହି ଡାକ୍ତରଙ୍କ ପରାମର୍ଶରେ ବିଭିନ୍ନ ମେଡିସିନ ମଧ୍ୟ ଖାଉଛନ୍ତି । ହେଲେ ପରିଣାମ ସମାନ । କିଛି ଦିନ ବ୍ୟବଧାନ ପରେ ପୁଣି କେଶ ଝଡିବା ଆରମ୍ଭ ହୋଇଯାଏ ।

ତେବେ ବିନା କୌଣସି ମେଡିସିନ ଏବଂ ବିନା କୌଣସି ତେଲରେ ଆପଣଙ୍କର କେଶ ଝଡିବା ବନ୍ଦ ହୋଇପାରିବ । ପାଞ୍ଚଟି ଖାଦ୍ୟ ଯାହାକୁ ଭୋଜନରେ ସାମିଲ କରିବା ଦ୍ବାରା ଆପଣ କେଶ ଝଡିବା ଭଳି ସମସ୍ୟାରୁ ମୁକ୍ତି ପାଇ ପାରିବେ ।

ଅଣ୍ଡା: ଭିଟାମିନରେ ଭରପୁର ଅଣ୍ଡା କେଶର ବିକାଶ ଓ ସ୍ୱାସ୍ଥ୍ୟ ପାଇଁ ହିତକାର । ଅଣ୍ଡାରେ ଅଲିଭ ତେଲ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ, ପରେ ଏହାକୁ ମୁଣ୍ଡରେ ଲଗାନ୍ତୁ।

ପାଳଙ୍ଗ ଶାଗ: ଏଥିରେ ବହୁ ମାତ୍ରାରେ ଆଇରନ ଥାଏ । ଯାହା କେଶ ବିକାଶରେ ସହାୟକ ହୋଇଥାଏ । ଭୋଜନରେ ପାଳଙ୍ଗ ଶାଗ ନେବା ଅତ୍ୟନ୍ତ ଜରୁରୀ ଅଟେ ।

ସିମଲା ଲଙ୍କା: ଲାଲ, ହଳଦୀଆ ଓ ସବୁଜ ରଙ୍ଗର ସିମଲା ଲଙ୍କାରେ ଭିଟାମିନ ସି ଭରପୂର ମାତ୍ରାରେ ରହିଥାଏ । ଏହା ମଧ୍ୟ କେଶ ମଜଭୁତ କରିବାରେ ସହାୟକ ହୋଇଥାଏ । ଶରୀରରେ ଭିଟାମିନ ସି କମ୍ ହେବା ଫଳରେ କେଶ ଶୁଷ୍କ ହୋଇଥାଏ । ଫଳରେ ବହୁ ପରିମାଣରେ କେଶ ଝଡିଥାଏ ।

ମସୁର ଡାଲି: ଟୋଫୁ, ସୋୟାବୀନ, ଷ୍ଟାର୍ଚ୍ଚୟକ୍ତ ବିନ୍‍ସ ଏବଂ ମଟରରେ ଆୟରନ ଓ ପ୍ରୋଟିନ ଭରପୂର ମାତ୍ରାରେ ରହିଥାଏ । ଏହି ସବୁ ଖାଦ୍ୟ କେଶ ବିକାଶରେ ଅତ୍ୟନ୍ତ ଜରୁରୀ ଅଟେ ।

କନ୍ଦମୂଳ: କନ୍ଦମୂଳରେ ଭିଟାମିନ୍‍ ଓ ବିଟା କ୍ୟାରୋଟିନ ଭରପୁର ଥିବା ବେଳେ କେଶ ପାଇଁ ଏହା ଲାଭଦାୟକ ହୋଇଥାଏ । ଗାଜର ଓ ଲାଉରେ ମଧ୍ୟ ଏହି ତାଲିକା ଅନ୍ତଭୁକ୍ତ ।