ମୁମ୍ବାଇ ଆକ୍ରମଣର ମାଷ୍ଟର ମାଇଣ୍ଡ ହାଫିଜ ସଏଦକୁ ୧୦ ବର୍ଷ ଜେଲ ଓ ୧୦ ହଜାର ଟଙ୍କା ଜୋରିମାନା

ଲାହୋର: ପାକିସ୍ତାନୀ ଆତଙ୍କବାଦୀ ତଥା ନିଷିଦ୍ଧ ସଙ୍ଗଠନ ଜମାତ -ଉଦ୍-ଦାୱାର ମୁଖ୍ୟ ହାଫିଜ ମହମ୍ମଦ ସଏଦଙ୍କୁ ଲାହୋରର ଆତଙ୍କବାଦୀ ବିରୋଧୀ ଅଦାଲତ ଦୁଇଟି ପୃଥକ ମାମଲାରେ ୧୦ ବର୍ଷ ଜେଲ ଦଣ୍ଡ ଆଦେଶ ଦେଇଛନ୍ତି । ହାଫିଜର ସମସ୍ତ ସମ୍ପତ୍ତି ଜବତ କରିବାକୁ ମଧ୍ୟ ଅଦାଲତ ନିର୍ଦେଶ ଦେଇଛି । ନଭେମ୍ବର ୨୬ରେ (୨୬/୧୧) ମୁମ୍ବାଇ ଆକ୍ରମଣର ମୁଖ୍ୟ କର୍ଣଧାର ବୋଲି ବିବେଚନା କରାଯାଏ । 

ହାଫିଜ ସଇଦଙ୍କ ସାଥୀ ଜାଫର ଇକବାଲ ଏବଂ ୟେହିୟା ଅଜିଜଙ୍କୁ ମଧ୍ୟ ସାଢ଼େ ୧୦ ବର୍ଷ ଜେଲ ଓ ଜୋରିମାନା ଆଦେଶ ହୋଇଥିବାବେଳେ ଅନ୍ୟତମ ଅଭିଯୁକ୍ତ ଅବଦୁରହମାନ ମକ୍କିଙ୍କୁ ୬ ମାସ ଜେଲ ଦଣ୍ଡ ଦିଆଯାଇଛି । ଜୁଲାଇ ୨୦୧୯ାରେ ହାଫିଜ ସଇଦକୁ ଗିରଫ କରାଯାଇଥିଲା ଓ ତାଙ୍କ ବିରୋଧରେ ୪ଟି ମାମଲା ରୁଜୁ ହୋଇଛି । ଏହା ପୂର୍ବରୁ ଗତ ଫେବ୍ରୁଆରୀରେ  ଲାହୋରର ଉକ୍ତ କୋର୍ଟ ଦୁଇଟି ମାମଲାରେ ହାଫିଜ ସଇଦଙ୍କୁ ୧୧ବର୍ଷକାରାଦଣ୍ଡ ଏବଂ ତିରିଶ ହଜାର ଟଙ୍କା ଜୋରିମାନା କରିଛନ୍ତି। ପଞ୍ଜାବରେ ହାଫିଜ ମହମ୍ମଦ ସଇଦ ଏବଂ ତାଙ୍କ ନିଷିଦ୍ଧ ସଂଗଠନର ନେତାଙ୍କ ବିରୋଧରେ ପ୍ରାୟ ଦୁଇ ଡଜନ ମାମଲା ରହିଛି।

Comments
Loading...