ଭାରତୀୟ କମ୍ପାନୀର ଗୁଟଖା ବିକି ପାକିସ୍ତାନ ନାଗରିକ ଦଣ୍ଡିତ

0

ପାକିସ୍ତାନ : ଗୁଟଖା ଖାଇବା ସ୍ୱାସ୍ଥ୍ୟ ପାଇଁ ହାନିକାରକ, ଏହା ସମସ୍ତ ଗୁଟଖା ପ୍ୟାକେଟରେ ମଧ୍ୟ ଲେଖାଯାଇଛି। ଏହାପରେ ମଧ୍ୟ ଗୁଟଖା ସମସ୍ତ ଦୋକାନରେ ସହଜରେ ମିଳିଥାଏ। କିନ୍ତୁ ଭାରତର ଏହି ଗୁଟଖା ପାକିସ୍ତାନରେ ମଧ୍ୟ ବିକ୍ରି କରାଯାଏ। ପାକିସ୍ତାନରେ ଏହା ଲୁଚାଛଫାରେ ବିକ୍ରି କରାଯାଏ।
ସୂଚନା ଅନୁସାରେ ପାକିସ୍ତାନରେ ଭାରତୀୟ ପ୍ରସ୍ତୁତ ଗୁଟଖା ବିକ୍ରି କରୁଥିବା ଏକ ବ୍ୟକ୍ତିକୁ ପୁଲିସ୍‍ ଗିରଫ କରି କୋର୍ଟଚାଲଣ କରିଥିଲେ। କୋର୍ଟ ଏହି ମାମଲାରେ ଏକ ଆଶ୍ଚର୍ଯ୍ୟଜନକ ଦଣ୍ଡାଦେଶ ଶୁଣାଇଛନ୍ତି। ଗୋବିନ୍ଦ ମହାରାଜ ନାମକ ଜଣେ ବ୍ୟକ୍ତି ଗୁଟଖା ବିକ୍ରି କରୁଥିବା ସମୟରେ ଥାରପରକର ଜିଲାର ସ୍ଥାନୀୟ ପୁଲିସ୍‍ କିଛି ସପ୍ତାହ ପୂର୍ବେ ଗୋବିନ୍ଦଙ୍କୁ ଗୁଟଖା ବିକ୍ରି କରୁଥିବା ଗିରଫ କରିଥିଲେ।
ଏହି ମାମଲାରେ ବିଚାରପତି ଗୁରମୁରଦାସ ଗୁଟକା ବେପାରୀ ଗୋବିନ୍ଦଙ୍କୁ ଗୁଟଖା ବିକ୍ରୟ ଅଭିଯୋଗରେ ଚାରି ମାସ ମନ୍ଦିର ସଫା କରିବାକୁ ଦଣ୍ଡ ଶୁଣାଇଛନ୍ତି। ଏହାସହ ସେ ୨ହଜାର ଟଙ୍କା ଜୋରିମାନା ଦେବାକୁ ମଧ୍ୟ କୁହାଯାଇଛି। ଚାରିମାସ ଦଣ୍ଡ ସରିବା ପରେ ପୁଣିଥରେ ରିପୋର୍ଟ ଦେବାକୁ ପୁଲିସକୁ ନିର୍ଦ୍ଦେଶ ଦେଇଥିଲେ।
ସୂଚନାଯୋଗ୍ୟ ଯେ ୨୦୧୭ରେ ଡ୍ରଗ୍ସ ବିକ୍ରି କରୁଥିବା ଅଭିଯୋଗରେ ଜଣେ ବ୍ୟକ୍ତିକୁ ବେନଜେରିବାଦ ଅଞ୍ଚଳରେ ଥିବା ଏକ ମସଜିଦରେ ଏକ ବର୍ଷ ପର୍ଯ୍ୟନ୍ତ ଛାଡୁ ଲଗାଇବା ଓ ଦିନକୁ ପାଞ୍ଚ ଥର ନମାଜ ପଢିବାକୁ ଦଣ୍ଡ ଶୁଣାଇଥିଲେ।

Leave A Reply