ଯୁବକଙ୍କ ଉନ୍ମତ୍ତ କାଣ୍ଡରେ ଫେରିବାଲାଙ୍କ ମୃତ୍ୟୁ

ଗୁଣୁପୁର : ଗତକାଲି ବିଳମ୍ବିତ ସନ୍ଧ୍ୟାରେ ଦୁର୍ଗମ ପୁଟାସିଂ ଅଞ୍ଚଳରେ ଏକ ଅଭାବନୀୟ ଘଟଣା ଘଟି ଜଣେ ଫେରି ବ୍ୟବସାୟୀଙ୍କ ମୃତ୍ୟୁ ଘଟିଛି। ସୂଚନା ଅନୁଯାୟୀ ଲବାଗ୍ରାମର ମନୋରଞ୍ଜନ ସେନାପତି ନାମକ ଜଣେ ଫେରି ବ୍ୟବସାୟୀ ଶଗଡା ଗ୍ରାମ ଆଡୁ ବ୍ୟବସାୟ ସାରି ଫେରୁଥିବା ବେଳେ ପୁଟାସିଂ ଠାରେ ପୁଟା ଗ୍ରାମର ରାବନା ଶବର ନାମକ ଜଣେ ଯୁବକ ନିକଟସ୍ଥ ଏକ ଔଷଧ ଦୋକାନରୁ ଏକ କଇଁଚି ଆଣି ହଠାତ ମନୋରଞ୍ଜନଙ୍କୁ ଆକ୍ରମଣ କରିଥିଲେ। ଏହାପରେ ଏକ ଲୁହାରଡ଼ରେ ମରଣାନ୍ତକ ଆକ୍ରମଣ କରିଥିବା ସୂଚନା ମିଳିଛି।

 

ସ୍ଥାନୀୟ ଲୋକେ ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ପୁଟାସିଂ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିଲେ। ଅବସ୍ଥା ଗୁରୁତର ହେବାରୁ ଗୁଣୁପୁର ପରେ କଟକ ସ୍ଥାନାନ୍ତରିତ ପାଇଁ ଡାକ୍ତର ପରାମର୍ଶ ଦେଇଥିଲେ। ତେବେ କଟକ ଯିବା ବାଟରେ ତାଙ୍କ ମୃତ୍ୟୁ ହୋଇଥିବା ଜଣାପଡିଛି। ପୁଟାସିଂ ପୁଲିସ ରାବନାକୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି।

Comments are closed.