ଲାଲ ଅଥବା ଧଳା, ଜାଣନ୍ତୁ କେଉଁ ରଙ୍ଗର ପିଜୁଳି ସ୍ୱାସ୍ଥ୍ୟ ପାଇଁ ଅଧିକ ଉପକାରୀ

ଶୀତ ଦିନେ ଅଧିକ ପରିମାଣରେ ପିଜୁଳି ମିଳିଥାଏ। ସାଧାରଣତଃ ବଜାରରେ ଧଳା କିମ୍ବା ଲାଲ ଅଥବା ହାଲକା ଗୋଲାପି ରଙ୍ଗର ପିଜୁଳି ମିଳିଥାଏ। ଆୟୁର୍ବେଦ ଅନୁଯାୟୀ ପିଜୁଳି ପେଟ ପାଇଁ  ଓ କୋଷ୍ଠକାଠିନ୍ୟ ଦୂର କରିବାକୁ ଖୁବ ଉପକାରୀ। ଖାଦ୍ୟ ଖାଇବା ପରେ ପିଜୁଳି ଖାଇବା ଦ୍ୱାରା ଖାଦ୍ୟ ଭଲ ଭାବେ ହଜମ ହୋଇଥାଏ। ଏହାସହ ଭୋଜନ ପୂର୍ବରୁ ଏହାକୁ ଖାଇବା ମଧ୍ୟ ସ୍ୱାସ୍ଥ୍ୟ ପାଇଁ ବେଶ ଉପକାରୀ। ଗୋଲାପି, ଧଳା ମଞ୍ଜି, ବିନା ମଞ୍ଜି, ଅଳ୍ପ ଖଟାମିଠା, ମିଠା ଆଦି ପିଜୁଳି ସାଧାରଣତଃ ବଜାରରେ ଉପଲବ୍ଧ। ଧଳା ଅପେକ୍ଷା ଲାଲ କିମ୍ବା ଗୋଲାପି ରଙ୍ଗର ପିଜୁଳି ସ୍ୱାସ୍ଥ୍ୟ ପାଇଁ ଅଧିକ ଉପକାରୀ ବୋଲି କୁହାଯାଏ। ମାତ୍ର ଧଳା ରଙ୍ଗର ପିଜୁଳିର ସ୍ୱାଦ ଅଧିକ ମିଠାଳିଆ।
ପିଜୁଳିରେ ୮୯.୯ କାର୍ବୋହାଇଡ଼୍ରେଡ଼, ୧୪.୯ ପ୍ରୋଟିନ, ୧.୨ ଖଣିଜ ଲବଣ ଥାଏ। ଏହାସହ ଏଥିରେ ଭରପୁର ମାତ୍ରାରେ ଭିଟାମିନ ସି, କ୍ୟାଲସିୟମ, ଫସଫରସ, ଆଇରନ ରହିଛି।
ଯେଉଁମାନଙ୍କୁ ଥଣ୍ଡା ଲାଗି ରହିଥାଏ, ସେମାନେ ଅଧିକ ପିଜୁଳି ଖାଇବା ଉଚିତ ନୁହେଁ।
ଯେଉଁମାନଙ୍କର ଖାଦ୍ୟ ହଜମ ଜନିତ ସମସ୍ୟା ରହିଛି ସେମାନେ କମ ପରିମାଣର ମଞ୍ଜି ଥିବା ପିଜୁଳି ଖାଇପାରିବେ।
ଯେଉଁ ମାନଙ୍କର ପେଟ ଯନ୍ତ୍ରଣା ଲାଗି ରହିଥାଏ, ସେମାନେ ପାଚିଲା ପିଜୁଳି ସହ କମ କଳାଲୁଣ ମିଶାଇ ଖାଇବା ଉଚିତ।
ଯେଉଁମାନଙ୍କର କୋଷ୍ଠକାଠିନ୍ୟ ସମସ୍ୟ ରହିଛି, ସେମାନେ ପିଜୁଳିରେ କଳା ଲୁଣ, ଅଦା, ଗୋଲମରିଚ ମିଶାଇ ଖାଇବା ଦ୍ୱାରା କୋଷ୍ଠକାଠିନ୍ୟ ସହ ଗ୍ୟାସଟିକ ଦୂର ହୋଇଥାଏ। ଭୋକ ମଧ୍ୟ ସଠିକ ସମୟରେ ହୋଇଥାଏ।
ନିୟମିତ ସକାଳ ସମୟରେ ୨୦୦ ରୁ ୩୦୦ ଗ୍ରାମ ପିଜୁଳି ଖାଇବା ଦ୍ୱାରା ଶରୀରରୁ ବହୁ ରୋଗ ଦୂର ହୋଇଥାଏ।
ଯେଉଁମାନଙ୍କ ମୁଣ୍ଡ ବିନ୍ଧ୍ୟା (ଅର୍ଦ୍ଧ କପାଳୀ) ହେଉଥାଏ, ସେମାନେ କଞ୍ଚା ପିଜୁଳିକୁ ପେଷି ମଥାରେ ଲଗାଇଲେ ଏହି ସମସ୍ୟା ଦୂର ହୋଇଥାଏ।

Comments
Loading...