ସରକାରଙ୍କ ପଦକ୍ଷେପ ଗ୍ରାମୀଣ ଅର୍ଥନୀତିରେ ଇସ୍ପାତ ବ୍ୟବହାରକୁ ବୃଦ୍ଧି କରିବ – ଧର୍ମେନ୍ଦ୍ର ପ୍ରଧାନ

ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି କହିଛନ୍ତି ଯେ ସରକାରଙ୍କ ଦ୍ୱାରା ନିଆଯାଇଥିବା ପଦକ୍ଷେପ ଫଳରେ ଗ୍ରାମୀଣ ଅର୍ଥନୀତିରେ ଇସ୍ପାତ ବ୍ୟବହାର ବୃଦ୍ଧି ପାଇବ। ଆତ୍ମନିର୍ଭର ଭାରତ ଶୀର୍ଷକ ଏକ ୱେବିନାରକୁ ସମ୍ବୋଧିତ କରି ଶ୍ରୀ ପ୍ରଧାନ କହିଛନ୍ତି ଯେ ଚାଉଳରୁ ଏଥନଲ ଉତ୍ପାଦନ ପାଇଁ ସରକାର ଲକ୍ଷ୍ୟ ରଖିଛନ୍ତି। ସେ କହିଛନ୍ତି ଯେ ଏଥିପାଇଁ ଅନେକ ଡିଷ୍ଟିଲରି ଏବଂ ରିଫାଇନାରୀ ସ୍ଥାପନ କରାଯିବ ଯାହା ଇସ୍ପାତ ଶିଳ୍ପକୁ ବୃଦ୍ଧି କରିବ।

ମନ୍ତ୍ରୀ ଦର୍ଶାଇଛନ୍ତି ଯେ ଏକ ଲକ୍ଷ କୋଟି ଟଙ୍କାର କୃଷି ଭିତ୍ତିଭୂମି ପାଣ୍ଠି ବିତରଣ କରାଯାଉଛି ଏବଂ ଅନେକ କ୍ଷେତ୍ରକୁ ପ୍ରାଥମିକ କ୍ଷେତ୍ର ଭାବରେ ଚିହ୍ନଟ କରାଯାଇଛି। ସେ ଆହୁରି ମଧ୍ୟ କହିଛନ୍ତି ଯେ ଆସନ୍ତା ପାଞ୍ଚରୁ ଛଅ ବର୍ଷ ମଧ୍ୟରେ ୧୫ ନିୟୁତ ମେଟ୍ରିକ୍ ଟନ୍ କମ୍ପ୍ରେସଡ଼ ବାୟୋ ଗ୍ୟାସ୍ ଉତ୍ପାଦନ ହେବ। ଶ୍ରୀ ପ୍ରଧାନ କହିଛନ୍ତି, ଏସବୁ ଇସ୍ପାତ ବ୍ୟବହାରକୁ ବୃଦ୍ଧି କରିବ ଏବଂ ମୁଣ୍ଡପିଛା ଇସ୍ପାତ ବ୍ୟବହାରକୁ ୭୪ କିଲୋଗ୍ରାମକୁ ବୃଦ୍ଧି କରିବା ଲକ୍ଷ୍ୟ ରହିଛି।

Comments
Loading...