୩ଟି ପ୍ରକଳ୍ପର ସଂପ୍ରସାରଣକୁ ଅନୁମତି: ସୃଷ୍ଟି ହେବ ୬୫୩୯ ନିଯୁକ୍ତି

ଭୁବନେଶ୍ୱର: ରାଜ୍ୟରେ ନିଯୁକ୍ତି ସୃଷ୍ଟି କରିବା ତଥା ଶିଳ୍ପାୟନକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ସରକାର ୩ଟି ପ୍ରକଳ୍ପର ସମ୍ପ୍ରସାରଣ ପ୍ରସ୍ତାବକୁ ଗୁରୁବାର ଅନୁମୋଦନ କରିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ଉଚ୍ଚସ୍ତରୀୟ ବୈଠକର ଏହି ପ୍ରସ୍ତାବକୁ ଅନୁମୋଦନ ମିଳିଛି। ଏହାଦ୍ବାରା ୧୭ ହଜାର ୮୩୩ କୋଟି ଟଙ୍କା ପୁଞ୍ଜିନିବେଶ ସହ ଓ ୬୫୩୯ ନୂତନ ନିଯୁକ୍ତି ସୃଷ୍ଟି ହେବ। ବୈଠକ ପରେ ଶିଳ୍ପ ମନ୍ତ୍ରୀ ଦିବ୍ୟଶଙ୍କର ମିଶ୍ର ଏହି ସୂଚନା ଦେଇଛନ୍ତି।

ସୂଚନା ଅନୁସାରେ, ଏଥିରେ ହିଣ୍ଡାଲକୋ ୮ହଜାର କୋଟି ଟଙ୍କା ପୁଞ୍ଜି ନିବେଶ କରିବ, ଯେଉଁଥିରେ ୪୨୫୦ ନିଯୁକ୍ତି ସୁଯୋଗ ସୃଷ୍ଟି ହେବ। ସେହିପରି ନ୍ୟାଶନାଲ୍ ଥର୍ମାଲ ପାୱାର କର୍ପୋରେଶନ୍(ଏନ୍‌ଟିପିସି) ତାଳଚେରର ସଂପ୍ରସାରଣକୁ ମଧ୍ୟ କମିଟି ଅନୁମୋଦନ କରିଛି। ଏନ୍‌ଟିପିସି ସଂପ୍ରସାରଣରେ ୭୬୯୮ କୋଟି ଟଙ୍କା ନିବେଶ ହେବ। ସୁନ୍ଦରଗଡ଼ରେ ରୁଙ୍ଗଟା ମାଇନ୍ସ ଇସ୍ପାତ ପ୍ରକଳ୍ପକୁ ମଧ୍ୟ ମଞ୍ଜୁରୀ ମିଳିଛି। ରୁଙ୍ଗଟା ପ୍ରକଳ୍ପରେ ୨୧୩୫ କୋଟି ଟଙ୍କା ନିବେଶ ହେବ। ଏଥିରେ ୨୨୮୮ ଜଣ ନିଯୁକ୍ତି ପାଇବେ।

Get real time updates directly on you device, subscribe now.