ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଗୋରଖପୁର ସ୍ତିତ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ (ଏମସ)କୁ ଉଦଘାଟନ କରିଛନ୍ତି। ଏହି ସଂସ୍ଥାନରେ ବିଶ୍ୱସ୍ତରୀୟ ତଥା ସ୍ୱତନ୍ତ୍ର ଚିକିତ୍ସା ସୁବିଧା ରଖାଯାଇଛି। ଉତ୍ତରପ୍ରଦେଶର ପୂର୍ବାଂଚଳ, ଗୋରଖପୁର, ବିହାର ଏବଂ ନେପାଳ ଅଧିବାସୀମାନଙ୍କ ଏହା ଅତ୍ୟାଧୁନିକ ଚିକିତ୍ସା ଏବଂ ସ୍ୱାସ୍ଥ୍ୟ ସେବାର ଯୋଗାଇ ଦେବ। ପ୍ରଧାନମନ୍ତ୍ରୀ ମୋଦୀ ୨୦୧୬ ଜୁଲାଇ ୨୨ରେ ଏହି ଏମସର ଭିତ୍ତିପ୍ରସ୍ତର ସ୍ଥାପନ କରିଥିଲେ।
୩୦୦ ଶଯ୍ୟା ବିଶିଷ୍ଟ ଗୋରଖପୁର ଏମସ ନିର୍ମାଣରେ ୧୦୧୧ କୋଟି ଟଙ୍କା ଖର୍ଚ୍ଚ କରାଯାଇଛି ଏବଂ ଆଗାମୀ ଦିନରେ ଏହାର ଶଯ୍ୟା ସଂଖ୍ୟା ୭୫୦କୁ ବୃଦ୍ଧି କରାଯିବାକୁ ଯୋଜନା ରହିଛି। ତେବେ ଗୁରୁତର ରୋଗୀଙ୍କୁ ଶୀଘ୍ର ଚିକିତ୍ସା ଯୋଗାଇବା ଉଦ୍ଦେଶ୍ୟରେ ଏକ ୩୫ ଶଯ୍ୟା ବିଶିଷ୍ଟ ଜରୁରୀକାଳୀନ ୱାର୍ଡ ଆଜି ଠାରୁ କାର୍ଯ୍ୟ ଆରମ୍ଭ କରିଛି। ସୂଚନା ମୁତାବକ, ଏହି ଏମସରେ ୨୦୧୯ରୁ ଆରମ୍ଭ ହୋଇଥିବା ବାହ୍ୟ ରୋଗୀ ବିଭାଗରେ ଏପର୍ଯ୍ୟନ୍ତ ପ୍ରାୟ ସାତ ଲକ୍ଷ ଲୋକ ଚିକିତ୍ସା ସେବା ପାଇଛନ୍ତି। ୧୪ଟି ସାଧାରଣ ଏବଂ ୧୩ଟି ସ୍ୱତନ୍ତ୍ର ବାହ୍ୟ ରୋଗୀ ବିଭାଗ କାର୍ଯ୍ୟ କରୁଛି।
Comments are closed.