ଜନ୍ମମାଟି ସୁଆଣ୍ଡୋରେ ଗୋପବନ୍ଧୁଙ୍କ ଶ୍ରାଦ୍ଧ ଦିବସ ପାଳିତ

ସୁଆଣ୍ଡୋ :  ପୁଣ୍ୟଶ୍ଳୋକ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ୯୪ ତମ ଶ୍ରାଦ୍ଧ ଦିବସ ଜନ୍ମମାଟି ସୁଆଣ୍ଡୋରେ ପାଳିତ ହୋଇଯାଇଛି। ପୁଣ୍ୟା​‌ତ୍ମାଙ୍କ ଷଠିଘର ଠାରୁ ଗୋପବନ୍ଧୁ ସ୍ମୃତି ପରିଷଦ ସଭାପତି ଧୀରେନ୍ଦ୍ର ନାଥ ଦାସଙ୍କ ନେତୃତ୍ବରେ ଭାର୍ଗବୀ ଘାଟକୁ ତିଳତର୍ପଣ ଯାତ୍ରା କରାଯାଇଥିଲା। ପୁରୋହିତ ଲକ୍ଷ୍ମିକାନ୍ତ ନନ୍ଦ ବେଦମନ୍ତ୍ର ପାଠ କରି ଗୋପବନ୍ଧୁଙ୍କ ପିତୃ ଓ ମାତୃକୂଳ ତିନିପୁରୁଷଙ୍କୁ ତିଳତଣ୍ଡୁଳ ଫୁଲ ସହିତ ଅର୍ଘ୍ୟ ଅର୍ପଣ କରାଯାଇଥିଲା। ପଞ୍ଚାୟତ ସମିତି ଅଧ୍ୟକ୍ଷ ସୁନିଲ କୁମାର ପଣ୍ଡା, ଜିଲାପରିଷଦ ସଭ୍ୟ ରତିକାନ୍ତ ମିଶ୍ର, ସରପଞ୍ଚ ଦୁଶାସନ ପ୍ରଧାନ, ଉତ୍କଳ ସ୍ୱାଭିମାନ ମଞ୍ଚ ପକ୍ଷରୁ ବାସୁଦେବ ସାହୁ, ପିପିଲି ସଚେତନ ନାଗରିକ ମଞ୍ଚ ରମେଶଚନ୍ଦ୍ର ଶତପଥୀ ପ୍ରମୁଖ କର୍ମକର୍ତ୍ତା, ଖେଳ ଶିକ୍ଷକ ସୁରେଶ ସ୍ୱାଇଁ, ବସନ୍ତ କୁମାର ମିଶ୍ର, ସ୍କାଉଟ ଛାତ୍ର ଛାତ୍ରୀ ପ୍ରମୁଖ ଶତାଧିକ ଗୋପବନ୍ଧୁ ପ୍ରେମୀ ତିଳତର୍ପଣ ଯାତ୍ରା ରେ ସାମିଲ ହୋଇଥିଲେ। ଗୋପବନ୍ଧୁଙ୍କ ଦ୍ୱାରା ଲିଖିତ କବିତା ସମବେତ କଣ୍ଠରେ ଗାନ କରାଯାଇ ଥିଲା । ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାଞ୍ଜଳି ଅର୍ପଣ କରାଯିବା ପରେ ସ୍ମୃତିଚାରଣ ସଭା ଅନୁଷ୍ଠିତ ହୋଇଥିଲା।

Comments are closed.