୫୦ ହଜାର ଟଙ୍କା ଟପିଲା ସୁନା, ରୁପା କିଲୋ ୬୦ହଜାର ଟଙ୍କା

ଦିନକରେ ତିନି ହଜାର ଟଙ୍କା ମହଙ୍ଗା ହେଲା ରୁପା

ବଜାରରେ ବଢ଼ିବାରେ ଲାଗିଛି ସୁନା ଏବଂ ରୁପା ମୂଲ୍ୟ । ଫଳରେ ଦିନକୁ ଦିନ ଘରୋଇ ବଜାରରେ ମହଙ୍ଗା ହେବାରେ ଲାଗିଛି ଏହି ଦୁଇ ମୂଲ୍ୟବାନ ଧାତବ ପଦାର୍ଥ। ମଙ୍ଗଳବାର ପଞ୍ଚାବନ ହଜାର ଉପରକୁ ଥିବା ରୁପା ଦର ଆଜି କିଲୋ ପିଛା ପ୍ରଥମ ଥର ପାଇଁ ​ଷାଠିଏ ହଜାର ଟଙ୍କା ଟପିଛି । ଏହାଛଡା ସୁନା ମୂଲ୍ୟ ପୁଣି ଥରେ ୧୦ ଗ୍ରାମ ପିଛା ପଚାଶ ହଜାର ଟଙ୍କା ଅତିକ୍ରମ କରିଛି ।
ଆଜି ଘରୋଇ ବଜାରରେ ସୁନା ମୂଲ୍ୟରେ ୧୦ ଗ୍ରାମ ପିଛା ୪୩୦ ଟଙ୍କା ବୃଦ୍ଧି ଘଟି ୫୦,୯୨୦ ଟଙ୍କାରେ ପହଞ୍ଚିଛି ।  କିଛି ଦିନର ବ୍ୟବଧାନ ପରେ ପୁନର୍ବାର ବୁଧବାର ସୁନା ମୂଲ୍ୟ ୫୦,୦୦୦ ଟଙ୍କା ସ୍ତର ଅତିକ୍ରମ କରିଛି । ଅନ୍ୟପକ୍ଷରେ ଗୋଟିଏ ଦିନରେ ରୁପା ମୂଲ୍ୟରେ କିଲୋ ପିଛା ୩,୦୭୮ ଟଙ୍କା ବୃଦ୍ଧି ଘଟିଛି । ଏହାଫଳରେ ରୁପା କିଲୋ ପିଛା ଆଜି ୬୦,୪୨୦ ଟଙ୍କା ଅତିକ୍ରମ କରି ନୂଆ ରେକର୍ଡ ପ୍ରତିଷ୍ଠା ହୋଇଛି । ପ୍ରଥମ ଥର ପାଇଁ ରୁପା ମୂଲ୍ୟ ୬୦,୦୦୦ ଟଙ୍କା ସ୍ତର ଅତିକ୍ରମ କରିଛି।ଏହାଛଡା ନ୍ୟୁୟର୍କଠାରେ ବୁଧବାର ସୁନା ମୂଲ୍ୟ ଆଉନ୍ସ ପିଛା​‌ ୧୮୫୦ ଡଲାର ଛୁଇଁଛି । ୨୦୧୧ ସେପ୍ଟେମ୍ବର ପରେ ଅନ୍ତର୍ଜାତୀୟ ବଜାରରେ ସୁନା ମୂଲ୍ୟରେ ଏହା ହେଉଛି ସର୍ବୋଚ୍ଚ ସ୍ତର । ସେହିଭଳି ରୁପା ଆଉନ୍ସ ପିଛା ୨୧.୮୦ ଡଲାରରେ ପହଞ୍ଚିଛି । ୨୦୧୬ ସେପ୍ଟେମ୍ବର ପରେ ରୁପା ମୂଲ୍ୟ ‌େ​କ‌ବେ ବି ଏହି ସ୍ତରକୁ ଯାଇ ନ ଥିଲା ।

Comments
Loading...