ହାଇଦ୍ରାବାଦ ମହାନଗର ନିଗମ : ଟିଆରଏସ ଆଗରେ, ବିଜେପି ଏବଂ ଏଆଇଏମଆଇଏମ ମଧ୍ୟରେ କଡ଼ା ମୁକାବିଲା

ହାଇଦ୍ରାବାଦ : ଗ୍ରେଟର ହାଇଦ୍ରାବାଦ ମହାନଗର ନିଗମ (ଜିଏଚ୍ଏମସି) ପାଇଁ ଅନୁଷ୍ଠିତ ନିର୍ବାଚନର ଶୁକ୍ରବାର ଭୋଟ  ଗଣତି ଜାରି ରହିଛି। ନିଗମର ୧୫୦ ୱାର୍ଡ ପାଇଁ ୧,୧୨୨ ଜଣ ପ୍ରାର୍ଥୀ ପ୍ରତଦ୍ବନ୍ଦିତା କରିଛନ୍ତି। ଏଥର ଏହି ନିଗମ ନିର୍ବାଚନର ବିଶେଷ କାରଣ ହେଉଛି, କେନ୍ଦ୍ରର ବିଜେପି ସରକାରଙ୍କ କେନ୍ଦ୍ରୀୟ ନେତୃତ୍ୱ ଏହି ନିର୍ବାଚନରେ ​​ନିଜର ସମ୍ପୂର୍ଣ୍ଣ ଶକ୍ତି ଲଗାଇ ଦେଇଛନ୍ତି। ଏଭଳି ପରିସ୍ଥିତିରେ ଆସାଦୁଦ୍ଦିନ ଓୱେସି ଏବଂ କେ. ଚନ୍ଦ୍ରଶେଖର ରାଓଙ୍କୁ କଡା ମୁକାବିଲାର ସମ୍ମୁଖୀନ ହେବାକୁ ପଡିଛି। ତେବେ ମତ ଗଣନା ଅନୁଯାୟୀ ଯଦିଓ କେ. ଚନ୍ଦ୍ରଶେଖର ରାଓ ଆଗରେ ଅଛନ୍ତି, ତେବେ ବିଜେପି ଏବଂ  ଓୱେସିଙ୍କ ଏଆଇଏମଆଇଏମ ମଧ୍ୟରେ କଡ଼ା ମୁକାବିଲା ହେଉଛି।

କାହାକୁ କେତେ ଆସନ

ଚନ୍ଦ୍ରଶେଖର ରାଓଙ୍କ ପାର୍ଟି ଟିଆରଏସ ୬୩ଟି ଆସନରେ ଆଗୁଆ ଥିବାବେଳେ ଗୋଟିଏ ଆସନ ଜିତିଛି।
ଆସାଦୁଦ୍ଦିନ ଓୱାଇସିଙ୍କ ଏଆଇଏମଆଇଏମ ୨୪ ଟି ଆସନରେ ଆଗୁଆ ଥିବାବେଳେ ୧୮ ଟି ସିଟ୍ ଜିତିଛି |
ବିଜେପି ୩୯ ଟି ଆସନରେ ଆଗୁଆ ରହିଛି।
ଦୁଇଟି ଆସନରେ କଂଗ୍ରେସ ଆଗୁଆ ରହିଛି।

 ବିଜେପିର ଲାଭ,ଟିଆରଏସକୁ କ୍ଷତି

ସର୍ବଶେଷ ଟ୍ରେଣ୍ଡ ଅନୁସାରେ ବିଜେପି ସଫଳତା ହାସଲ କରିଛି। ଗତ ଥର ଦଳ ଚାରିଟି ଆସନ ଜିତିଥିଲା। କିନ୍ତୁ ଏଥର ଦଳ ହାତରେ ୩୦ ଟି ସିଟ୍ ରହିଛି। ଅନ୍ୟପକ୍ଷରେ ଗତ ନିର୍ବାଚନରେ ​​୯୯ ଟି ଆସନ ଜିତିଥିବା ଟିଆରଏସ ୭୦ ଟି ଆସନରେ ଆଗୁଆ ରହିଛି। ଏଥି ସହିତ, ଓୱେସି ହାଇଦ୍ରାବାଦ ଉପରେ ପ୍ରାଧାନ୍ୟ ବିସ୍ତାର କରିଚାଲିଛନ୍ତି। ତାଙ୍କ ଦଳ ଏଆଇଏମଆଇଏମ ୪୫ ଟି ଆସନରେ ଆଗୁଆ ରହିଛି। ଗତ ଥର ଦଳ ୪୦ ରୁ ଅଧିକ ସିଟ୍ ଜିତିଥିଲା।

Comments
Loading...