ପ୍ରାତଃ ଭ୍ରମଣ ହେଲା କାଳ ; ଦୁର୍ଘଟଣାରେ ଚାଲିଗଲା ୨ ଜୀବନ

ଗଞ୍ଜାମ : ଗଞ୍ଜାମ ଜିଲାର ଆସିକା ଥାନା ଅନ୍ତର୍ଗତ ମୁଆପାଲିର ନଡ଼ା ଫାଣ୍ଡି ଅଞ୍ଚଳରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିବା ସୋମବାର ଜଣାପଡ଼ିଛି। ଏକ ଅଜଣା ଗାଡ଼ି ଧକ୍କାରେ ୨ ଜଣଙ୍କର ମୃତ୍ୟୁ ହୋଇଛି। ମୃତକ ୨ ଜଣ ସମ୍ପର୍କରେ ମାଉସୀ ଓ ଝିଆରୀ ବୋଲି ଜଣାପଡ଼ିଛି। ଏହାସହ ଉକ୍ତ ମହିଳାଙ୍କର ୫ବର୍ଷର ପୁଅ ଦୁର୍ଘଟଣାରୁ ଅଳ୍ପକେ ଭର୍ତ୍ତି ଯାଇଛି।
ସୂଚନା ଯୋଗ୍ୟ, ପ୍ରତିଦିନ ଭଳି ଉକ୍ତ ମହିଳା, ତାଙ୍କ ଝିଆରୀ ପ୍ରାତଃ ଭ୍ରମଣରେ ଯାଆନ୍ତି। ଆଜି ସକାଳେ ଉଭୟ ରାଜ୍ୟ ରାଜପଥରେ କୋଟିନଡ଼ା ଫାଣ୍ଡି ଠାରୁ ଅନତି ଦୂରରେ ପ୍ରାତଃ ଭ୍ରମଣ କରୁଥିବା ବେଳେ ଏକ ଅଜଣା ଗାଡ଼ି ସେମାନଙ୍କୁ ପଛପଟୁ ଧକ୍କା ଦେଇଥିଲା। ଉଭୟଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ମୃତ ମହିଳା ଜଣଙ୍କ ଗର୍ଭବତୀ ଥିଲେ ବୋଲି ସୂଚନା ମିଳିଛି। ଖବର ପାଇ ଆସିକା ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି।

Comments
Loading...