କାର ସହ ଗଞ୍ଜେଇ ଜବତ, ଜଣେ ଗିରଫ

ନବରଙ୍ଗପୁର: ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ କୋଡିଙ୍ଗା ଥାନା ଅନ୍ତର୍ଗତ ଡେଙ୍ଗାଗୁଡା ନିକଟରେ ପୁଲିସ ଏକ କାରରୁ ୫୦. ୭ କେଜି ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଛି। ଏହାସହିତ ଉକ୍ତ ବ୍ୟକ୍ତି ବ୍ୟବହାର କରୁଥିବା ମୋବାଇଲ ଫୋନକୁ ମଧ୍ୟ ଜବତ କରାଯାଇଛି। ଗିରଫ ବ୍ୟକ୍ତି ଜଣକ କୋରାପୁଟ ଜିଲ୍ଲା ଫଟାଙ୍ଗି ଥାନା ପଣ୍ଡେଇ ଗ୍ରାମର ଇରିଆ ଅଡକାଡିଆ(୨୮) ବୋଲି ଜଣା ପଡ଼ିଛି। କୋଡିଙ୍ଗା ପୁଲିସ ଏନେଇ କେସ ନମ୍ବର ୨୩/୨୧ଅନୁଯାୟୀ ଏକ ମାମଲା ରୁଜୁ କରାଯାଇଛି। ଗଞ୍ଜେଇ ଜବତ ସମୟରେ ପାପଡାହାଣ୍ଡି ଏସଡିପିଓ ଆଦିତ୍ୟ ସେନ, କୋଡିଙ୍ଗା ଥାନା ଅଧିକାରୀ ସରିତା ମହାପାତ୍ର, ଏସ୍ଆଇ, ଦେବଦତ୍ତ ମଲିକ, କନେଷ୍ଟବଲ, ଦିଲ୍ଲୀପ କୁମାର ମାଝୀ, ଗୃହରକ୍ଷୀ, ଦିରେନ ନାୟକ, ପି ପ୍ରସାଦ ଦୋରା ପ୍ରମୁଖ ଉପସ୍ଥିତ ଥିଲେ।

Comments
Loading...