ଗଞ୍ଜେଇ ଜବତ, ୫ ଗିରଫ

ବାଲିଗୁଡା : ବାଲିଗୁଡା ପୁଲିସ ବିଭିନ୍ନ ସ୍ଥାନରେ ଚଢାଉ କରି ୬୧ କେଜି ଗଞ୍ଜେଇ ଜବତ କରିବା ସହ ପାଂଚଜଣଙ୍କୁ ଗିରଫ କରି କୋର୍ଟ ଚାଲଣ କରିଛି।

ପୁଲିସ ଏସଆଇ ରବିନ୍ଦ୍ର ମୁଣ୍ଡାରୀଙ୍କ ନେତୃତ୍ୱରେ ବାଲିଗୁଡା ଥାନା ଅନ୍ତର୍ଗତ ମହାଶିଙ୍ଗିଠାରେ ଏମଭି ଚେକଂ ସମୟରେ ଗୋଟିଏ କାରରେ ତିନିଜଣ ଗଂଜେଇ ମାଫିଆ ଗାଡିରେ ଗଂଜେଇ ଧରି ଯାଉଥିଲେ। ଚେକିଂ କରିବା ସମୟରେ ଗାଡିରୁ ଗଂଜେଇ ବାହାରିଥିଲା। ଏହାପରେ ଉକ୍ତ କାରରେ ବସିଥିବା ତିନିଜଣଙ୍କ ସହ କାରକୁ ବାଲିଗୁଡା ଥାନା ଆଣିଥିଲେ। କାରରୁ ୩୦କେଜି ୫୦୦ଗ୍ରାମ ଗଂଜେଇ ଜବତ କରାଯାଇଥିଲା। କାରରେ ଥିବା ତିନିଜଣ ହେଉଛନ୍ତି, ମଧ୍ୟପ୍ରଦେଶର ରାମଚନ୍ଦ୍ର ବିରଗି, ବୌଦ୍ଧର ଇନ୍ଦ୍ରଜିତ କହଁର, ଦୁଃଖିଶ୍ୟାମ ମଳିକ ଘର ବାଲିଗୁଡା। ଏହି ତିନିଜଣନଙ୍କୁ ଗିରଫ କରି ଥନା କେଶ ନମ୍ବର ୧୭୨/୨୦୨୦ରେ ମାମଲା ରୁଜୁକରି କୋର୍ଟ ଚାଲଣ କରାଯାଇଛି।

ସେହିଭଳି ଅପରାହ୍ନରେ ଗଂଜେଇ କାରବାର ହେଉଥିବାବେଳେ ପୁଲିସ ଖବର ପାଇ ଏସଆଇ ରଚିତା ମାଡକାମି ନେତୃତ୍ୱରେ ଚଢାଉ କରିଥିଲା। ସୁଚନା ପ୍ରକାରେ, ମାହଶିଙ୍ଗି ପଂଚାୟତ କାର୍ଯ୍ୟାଳୟ ନିକଟରେ ଦୁଇ ଗଂଜେଇ ବ୍ୟବସାୟୀ ଗଂଜେଇ ନେଇ ବ୍ୟବସାୟ କରୁଥିବା ସମୟରେ ଚଢାଉ କରିଥିଲେ। ସେମାନଙ୍କ ଠାରୁ ୩୦କେଜି ୫୦୦ଗ୍ରାମ ଗଂଜେଇ ଜବତ କରିଥିବାବେଳେ ଦୁଇ ଗଂଜେଇ ବ୍ୟବସାୟୀ ଦେବଦାସ ବିନ୍ଧାଣି ଓ ଇନ୍ଦ୍ରଜିତ କହଁରଙ୍କୁ ଗିରଫ କରି ଥାନା କେଶ ନମ୍ବର ୧୭୪/୨୦୨୦ରେ ମାମଲା ରୁଜୁ କରି କୋର୍ଟ ଚାଲଣ କରାଯାଇଛି।

Comments
Loading...