ଗଜପତି : ଗଜପତି ଜିଲାରେ କରୋନା ସଂକ୍ରମଣ ଦିନକୁ ଦିନ ବଢି ଚାଲିଛି । ଯାହା ଜିଲାପ୍ରଶାସନ ପାଇଁ ଚିନ୍ତାର କାରଣ ପାଲଟିଛି । କରୋନା ସଂକ୍ରମଣ ବୃଦ୍ଧି ଆଶଙ୍କାରେ ଗଜପତି ଜିଲାପାଳ ବଡ ନିଷ୍ପତ୍ତି ନେଇଛନ୍ତି । ଏଣିକି ଗଜପତିବାସୀଙ୍କୁ ପଡ଼ୋଶୀ ଗଞ୍ଜାମ ଓ ଆନ୍ଧ୍ରର ଶ୍ରୀକାକୁଲମ ଜିଲାକୁ ଯିବାକୁ ବାରଣ କରାଯାଇଛି । ଏଥିସହ ଗଞ୍ଜାମ , ଶ୍ରୀକାକୁଲମ ଅଞ୍ଚଳରୁ କୌଣସି ବ୍ୟକ୍ତି ଗଜପତି ଜିଲା ମଧ୍ୟକୁ ପ୍ରବେଶ କରିପାରିବେନି । ଏମିତିକି ଗଞ୍ଜାମରେ ଚାକିରି କରିଥିବା ଗଜପତି ଜିଲାର ଲୋକଙ୍କୁ ମଧ୍ୟ ଯିବାକୁ ମନ କରାଯାଇଛି । ଦୈନିକ ଯାଇ ପୁଣି ଘରକୁ ଫେରୁଥିବା ଲୋକଙ୍କୁ ଯିବାକୁୂ ମନା କରିଛନ୍ତି ଜିଲାପାଳ । ଏଥିସହ ୨ ଜିଲାକୁ ଯା’ଆସ ସମ୍ପୁର୍ଣ୍ଣ ବାରଣ କରାଯାଇଥିବା ନେଇ ଜିଲାପାଳ ଅନୁପମ ଶାହାଙ୍କ ସୂଚନା ଦେଇଛନ୍ତି । ମାଲ ପରିବହନ ଓ ଆମ୍ବୁଲାନ୍ସ ଆଦି ଅତ୍ୟାବଶ୍ୟକ ସେବା କେବଳ ଯା’ଆସ କରିବାକୁ ଅନୁମତି ଦିଆଯାଇଛି ।
ସୂଚନାଯୋଗ୍ୟ ବର୍ତ୍ତମାନ ସୁଦ୍ଧା ଗଜପତି ଜିଲାରୁ ମୋଟ ୫୬୮ଟି ପଜିଟିଭ କେସ୍ ଚିହ୍ନଟ ହୋଇଥିବା ବେଳେ ୪୨୯ ଜଣ ସୁସ୍ଥ ହୋଇଛନ୍ତି । ଜଣେ ସଂକ୍ରମିତଙ୍କର ମୃତ୍ୟୁ ହୋଇଥିବା ବେଳେ ୧୩୮ ଜଣ ବିଭିନ୍ନ କୋଭିଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି ।
Comments are closed.