ଜି.ଉଦୟଗିରି: ଜି.ଉଦୟଗିରି ବିଧାୟକ ସାଲୁଗା ପ୍ରଧାନ ସ୍ଥାନୀୟ ବ୍ଳକ ଅନ୍ତର୍ଗତ ମାଲିକାପଡି ଗ୍ରାମ ପଞ୍ଚାୟତ ସ୍ଥିତ ମୁକୁଲିଙ୍ଗିଆ ହିଲଟପ୍ ରେ ପହଞ୍ଚି ଦଳୀୟ ବୈଠକ କରିଛନ୍ତି। ହିଲଟପକୁ ଯିବା ପାଇଁ ରାସ୍ତା ଅନୁକୁଳ ନଥିବାରୁ ଉକ୍ତ ସେଠାକୁ ସାଧାରଣ ଗମନାଗମନରେ ବ୍ୟାହତ ସୃଷ୍ଟି ହେଉଛି। ଏ ସମ୍ପର୍କରେ ବୈଠକରେ ଆଲୋଚନା କରି ବିଧାୟକ ଶ୍ରୀ ପ୍ରଧାନ ରାସ୍ତା ନିର୍ମାଣ ପାଇଁ ନିଜ ପାଣ୍ଠିରୁ ୫ ଲକ୍ଷ ଟଙ୍କା ଅନୁଦାନ ଘୋଷଣା କରିଥିଲେ। ଏହାସହିତ ହିଲଟପକୁ ପର୍ଯ୍ୟଟନ ସ୍ଥଳର ମାନ୍ୟତା ଦେବା ପାଇଁ ସରକାରଙ୍କ ନିକଟରେ ପ୍ରସ୍ତାବ ରଖିବାକୁ ପ୍ରତିଶ୍ରୁତି ଦେଇଥିଲେ। ଏହି ଅବସରରେ ସେ ରଟିଙ୍ଗିଆ ଠାରେ ନିର୍ମିତ ମଠ ଗୃହକୁ ଉଦଘାଟନ କରିଥିଲେ।
ହିଲଟପ ଠାରେ ହୋଇଥିବା ବୈଠକରେ ଜି.ଉଦୟଗିରି ନଗର ବିଜେଡି ସଭାପତି ଗୋପାଳ ମହାପାତ୍ର, ନଗର ମହିଳା ସଭାନେତ୍ରୀ ଭାନୁପ୍ରଭା ମିଶ୍ର, ବ୍ଳକ ବିଜେଡି ସଭାପତି ଲିଙ୍ଗରାଜ କହଁର, ବ୍ଳକ ମହିଳା ସଭାନେତ୍ରୀ ବିଜୟିନୀ ନାୟକ, ବ୍ଳକ ଛାତ୍ର ସଭାପତି ଛୋଟନ ନାୟକ, ବ୍ଳକ ବିଧାୟକ ପ୍ରତିନିଧି ଜମେଶ ପ୍ରଧାନ,ବ ରିଷ୍ଟ ବିଜେଡି ନେତା ଦେବନାଥ ଦଳବେହେରା, ଏମଡି ଆଲମାସ ପ୍ରମୁଖ ଉପସ୍ଥିତ ଥିଲେ।
Comments are closed.