ରାଇକିଆରେ ବିଶ୍ବ ପରିବେଶ ଦିବସ ପାଳିତ

ଜି.ଉଦୟଗିରି: ପରିବେଶକୁ ସୁସ୍ଥ ଓ ସୁନ୍ଦର ରଖିବା ସହ ପ୍ରାଣୀ ଜଗତକୁ ଗ୍ରୀଷ୍ମ ଦାଉରୁ ରକ୍ଷା ପାଇବା ପାଇଁ ବୃକ୍ଷ ରୋପଣର ଆବଶ୍ୟକତା ରହିଛି। ଏହି ଅବସରରେ କନ୍ଧମାଳ ଜିଲ୍ଲା ରାଇକିଆ ବିଜୟ ଉଚ୍ଚ ବିଦ୍ୟାଳୟ ପରିସରରେ ଆଜି ବିଶ୍ବ ପରିବେଶ ଦିବସ ପାଳିତ ହୋଇଯାଇଛି। ରାଇକିଆ ପଞ୍ଚାୟତ ସମିତି ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଗୋଷ୍ଠୀ ଉନ୍ନୟନ ଅଧିକାରୀ ପ୍ରବିଣ କୁମାର ବାଣୁଆ ଯୋଗଦେଇ ବୃକ୍ଷ ରୋପଣର ଶୁଭାରମ୍ଭ କରିଥିଲେ। ପ୍ରତିବର୍ଷ ଜୁନ୍ ୫ ତାରିଖରେ ରାଇକିଆର ବିଭିନ୍ନ ସ୍ଥାନମାନଙ୍କରେ ଏପରି ବୃକ୍ଷ ରୋପଣ କାର୍ଯ୍ୟକ୍ରମର ଆୟୋଜନ କରାଯାଇଥାଏ।

ଚଳିତ ବର୍ଷ କରୋନା କଟକଣା ମଧ୍ୟରେ ଏହା ପାଳନ କରାଯାଇଛି। ବିଦ୍ୟାଳୟ ପରିସର ପଛ ପାର୍ଶ୍ବରେ ବିଭିନ୍ନ ପ୍ରକାରର ବୃକ୍ଷ ଆମ୍ବ, କଦମ୍ବ, ଲିମ୍ବ, ଅଁଳା, ବରଡା ଆଦି ବୃକ୍ଷ ରୋପଣ କରାଯାଇଛି। ଉକ୍ତ ବିଦ୍ୟାଳୟକୁ ସରକାରଙ୍କ ଫାଇଭ-ଟି ଯୋଜନାରେ ସାମିଲ କରାଯାଇ ସ୍ମାର୍ଟ ଶ୍ରେଣୀରେ ପିଲାଙ୍କୁ ପାଠ ପଢିବା ପାଇଁ ଆନୁସଙ୍ଗିକ ଉପକରଣ ବ୍ୟବସ୍ଥା କରାଯାଉଥିବା ବେଳେ ବିଦ୍ୟାଳୟର ରୁପାନ୍ତିକରଣ ଓ ସୌନ୍ଦର୍ଯ୍ୟକରଣ ପାଇଁ ବୃକ୍ଷ ରୋପଣ କାର୍ଯ୍ୟକ୍ରମ ଆୟୋଜନ କରାଯାଇଛି।

Comments
Loading...