ମୋଟର ଚାଳକ ସଂଘ ପକ୍ଷରୁ ସଡ଼କ ସୁରକ୍ଷା ସଚେତନତା

ଜି.ଉଦୟଗିରି: ସଡ଼କ ସୁରକ୍ଷା ଜୀବନ ରକ୍ଷା ଏହି ଉକ୍ତି ନେଇ ରାଇକିଆ ମୋଟର ଚାଳକ ସଂଘ ପକ୍ଷରୁ ଆଜି ଚାଳକ ଦିବସ ପାଳନ ହୋଇଯାଇଛି। ଏହି କାର୍ଯ୍ୟକ୍ରମରେ ରାଇକିଆ ମଟର ଚାଳକ ସଂଘ ସଦସ୍ୟ ପ୍ରମୋଦ ପ୍ରଧାନ, ଅନନ୍ତ କୁମାର ମାଝି, ରାଜା ସାହୁ, ବ୍ରାଇଟ୍ ପ୍ରଧାନ, ବଣ୍ଟି ନାୟକ, ଏନ୍ ଗୋପାଳ ରାଓ, ଇନସେନସିଓ ପ୍ରଧାନ, ନିବୁ ନାୟକଙ୍କ ସହ ସମସ୍ତ ସଦସ୍ୟ ପ୍ରମୁଖ ଏକ ସଚେତନତା ବାର୍ତ୍ତା ନେଇ ସହର ସାରା ପରିକ୍ରମା କରିବା ସହ ନିଶାଦ୍ରବ୍ୟ ସେବନ ନକରି ଗାଡି ଚାଳାଇବା, ଗାଡି ଚଲାଇବା ସମୟରେ ସିଟ ବେଲ୍ଟ ଓ ହେଲମେଟ୍ ବ୍ୟବହାର କରିବା, ଗାଡିର ସମସ୍ତ କାଗଜପତ୍ର ଠିକ୍ ରଖିବା, ଗାଡି ଚଲାଇବା ବେଳେ ମୋବାଇଲ ବ୍ୟବହାର ନକରିବା, ଭୁଲ ରାସ୍ତାରେ ନଯିବା, ବାଇକରେ ତିନି ଜଣ ନବସିବା ଆଦି ପ୍ଳାକାର୍ଡରେ ଲେଖି ଲୋକମାନଙ୍କୁ ସଚେତନତା କରିଥିଲେ। ଶେଷରେ ମୋଟର ଚାଳକ ଭାଇମାନଙ୍କୁ ଖରାପ ବ୍ୟବହାର ନକରିବା ପାଇଁ ଜନସାଧାରଣଙ୍କୁ ଅନୁରୋଧ କରିଥିଲେ।

Comments are closed.