ନୂଆଦିଲ୍ଲୀ: ଶେଷ ହୋଇଛି ସାଧାରଣ ନିର୍ବାଚନ ା ପୁଣି ବଢିଛି ବିଗତ କିଛି ଦିନ ହେବ ନିମ୍ନଗାମୀ ହେଉଥିବା ତେଲ ଦର ା ନିର୍ବାଚନ ଶେଷ ହେବାର ଦିନକ ପରେ ଅର୍ଥାତ୍ ଆଜି ରାଷ୍ଟ୍ରାୟତ୍ତ ତୈଳ ମାର୍କେଟିଂ କମ୍ପାନୀଗୁଡିକ ପେଟ୍ରୋଲ ଏବଂ ଡିଜେଲର ଖୁଚୁରା ମୂଲ୍ୟରେ ବୃଦ୍ଧି ଘଟାଇଛନ୍ତି ା ଏଥିଯୋଗୁ ପେଟ୍ରୋଲ ଲିଟର ପିଛା ୯ ପଇସା ଏବଂ ଡିଜେଲ ୧୫ ପଇସା ବୃଦ୍ଧି ଘଟିଛି ା ଫଳରେ ରାଜଧାନୀ ନୂଆଦିଲ୍ଲୀରେ ପେଟ୍ରୋଲ ଲିଟର ପିଛା ୭୧ ଟଙ୍କା ୧୨ ପଇସା ଏବଂ ଡିଜେଲ ୬୬ ଟଙ୍କା ୧୧ ପଇସା ହୋଇଛି ା
ଗତ ୧୫ ଦିନ ହେବ ତୈଳ ଦର କ୍ରମାଗତ ଭାବେ ହ୍ରାସ ଘଟିଚାଲିଥିଲା। ଯଦିବା ଚଳିତ ମାସରେ ବିଶ୍ବ ବଜାରରେ ଅଶୋଧିତ ତୈଳ ଦରରେ ଅହେତୁକ ବୃଦ୍ଧି ଘଟୁଥିଲା ତଥାପି ଘରୋଇ ବଜାରରେ ଦର ହ୍ରାସ ଘଟୁଥିଲା। ଏଥିପାଇଁ ତୈଳ କମ୍ପାନୀଗୁଡିକୁ ବେଶ କ୍ଷତି ସହିବାକୁ ପହିଥିଲା ା କାରଣ ଏହି ସମୟରେ ଦେଶରେ ସାଧାରଣ ନିର୍ବାଚନ ଚାଲୁଥିଲା ା ଏକ ସୂତ୍ରରୁ ହସ୍ତଗତ ସୂଚନାନୁଯାୟୀ, ନିର୍ବାଚନ ସମୟରେ ତୈଳ ଦରକୁ ନିମ୍ନମୁଖୀ ରଖିବାକୁ ତେଲ କମ୍ପାନୀଗୁଡିକୁ ସରକାରଙ୍କ ଆଡୁ ନିର୍ଦେଶ ରହିଥିଲା ା ଏବେ ନିର୍ବାଚନ ସରିଯାଇଛି ା ତୈଳ କମ୍ପାନୀଗୁଡିକ ସହିଥିବା କ୍ଷତି ଭରଣା କରିବାକୁ ଯାଇ ଏବେ ପର୍ଯ୍ୟାୟକ୍ରମେ ପେଟ୍ରୋଲ ଏବଂ ଡିଜେଲ ଦରରେ ବୃଦ୍ଧି ଘଟାଇପାରନ୍ତି ା ଉପସାଗରୀୟ କ୍ଷେତ୍ରରେ ଲାଗି ରହିଥିବା ଉେତ୍ତଜନା ଏବଂ ଇରାନ୍ ଓ ଭେନିଜୁଏଲାରୁ ଯୋଗାଣରେ ହ୍ରାସ ଆଗାମୀ ଦିନରେ ବଜାରରେ ଅଶୋଧିତ ତୈଳ ଦରରେ ବୃଦ୍ଧି ଘଟାଇବା ା ନିର୍ବାଚନରେ ହୋଇଥିବା କ୍ଷତି ଭରଣା କରିବା ଲାଗି ତୈଳ କମ୍ପାନୀଗୁଡିକ ପେଟ୍ରୋଲ ଏବଂ ଡିେଜଲ ଲିଟର ପିଛା ପର୍ଯ୍ୟାୟ କ୍ରମେ ୩-୫ ଟଙ୍କା ବୃଦ୍ଧି କରିପାରନ୍ତି।
Comments are closed.