ସୁଜି ଛଣା ମାଛ

ଆବଶ୍ୟକ ସାମଗ୍ରୀ
ମାଛ – ୮ଟି
ସୁଜି – ୧କପ
ଲଙ୍କା ଗୁଣ୍ଡ – ଅଳ୍ପ
ହଳଦୀ ଗୁଣ୍ଡ – ଅଳ୍ପ
କଟା ଅଦା – ସାମାନ୍ୟ
ଲୁଣ – ଆବଶ୍ୟକ ପରିମାଣରେ
ରସୁଣ – ୫ଟି (କଟା)
ଅଦା ରସୁଣ ବଟା – ୨ ଚାମଚ
ତେନ୍ତୁଳି ବଟା – ୧ ଚାମଚ
ତେଲ – ଆବଶ୍ୟକ ପରିମାଣରେ
କଟା ଧନିଆ ପତ୍ର – ଅଳ୍ପ
ପ୍ରସ୍ତୁତି ପ୍ରଣାଳୀ – ପ୍ରଥମେ ମାଛକୁ ଭଲ ଭାବେ ଧୋଇ ଦିଅନ୍ତୁ। ଏକ ପାତ୍ରରେ ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଲୁଣ, ଅଦା ରସୁଣ ବଟା, ତେନ୍ତୁଳି ବଟା, ସାମନ୍ୟ ପାଣିକୁ ନେଇ ପେଷ୍ଟ ପ୍ରସ୍ତୁତ କରନ୍ତୁ। ଏହାପରେ ମାଛକୁ ଛୁରୀ ଦ୍ୱାରା ଅଳ୍ପ ଅଳ୍ପ କାଟି ଏହାକୁ ପ୍ରସ୍ତୁତ ମିଶ୍ରଣରେ ବୁଡ଼ାଇ ୩୦ ମିନିଟ ରଖି ଦିଅନ୍ତୁ। ଏବେ ଗ୍ୟାସରେ ଏକ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ରଖିଥିବା ମାଛକୁ ହାଲକାରେ ସୁଜିରେ ବୁଡ଼ାଇ ତେଲରେ ଭଲ ଭାବେ ଛାଣି ଦିଅନ୍ତୁ। ଏହାପରେ ଛଣା ମାଛକୁ ଏକ ପାତ୍ରକୁ କାଢି କଟା ଧନିଆ ପତ୍ର ପକାଇ ସଜାଇ ଦିଅନ୍ତୁ। ପ୍ରସ୍ତୁତ ହୋଇଗଲା ସୁଜି ଛଣା ମାଛ।

Get real time updates directly on you device, subscribe now.

Comments
Loading...